Sport

Mbappe heq dorë nga miliona euro për t’u bashkuar me Realin

Autori: Gazeta inFokus 08:43 | 06 February 2024

Eksperienca e Kylian Mbappe te Paris Saint Germain është në muajt e fundit, pasi sulmuesi 25-vjeçar francez duket i vendosur që të bashkohet me Realin e Madridit në fund të sezonit, kur edhe i përfundon kontrata me klubin francez.

Ëndrra e Mbappe për të veshur fanellën e Realit është e vjetër tashmë, por duket se pas 7 sezonesh në kryeqytetin francez, tashëm është gati të transferohet në Madrid, teksa pritet që zyrtarizimi të vijë brenda muajit shkurt.

Për të veshur fanellën e Realit të Madridit, Mbappe ka bërë një sakrificë ekonomike të konsiderueshme, pasi pritet të firmosë me një pagë ndjeshëm më të ulët sesa 72 milionë eurot në sezon që i ofronte PSG-ja.

-Advertisement-

Për më tepër, sipas paktit që ka bërë me Al Khelaifin, Mbappe ka marrë përsipër të heqë dorë nga bonusi i besnikërisë prej 80 milionë eurosh, nëse largohet me parametra zero nga PSG-ja.

Tashmë në Madridi janë të bindur se magjitë e Mbappe do të mund t’i shijojnë live nga shkallët e “Santiago Bernabuet” që prej verës së ardhshme, teksa Ancelotti ka nisur të studiojë tashmë një Real me yllin francez në qendër të projektit.

Subscribe në YouTube: GAZETA INFOKUSI