Sport

Mayweather fillon me stërvitje për duelin ndaj McGregor (video)

Autori: Gazeta inFokus 13:53 | 16 June 2017

Një ditë pasi deklaroi se do të rikthehet në ring për të dueluar ndaj Conor McGregor boksieri Floyd Mayweather ka veshur sot zyrtarisht sërish dorezat, duke nisur përgatitjet për këtë përballje të madhe.

Dueli mes tyre do të zhvillohet më 26 gusht në Las Vegas, çka do të thotë që nuk ka shumë kohë. Mayweather ka postuar sot një video në “Instagram”, ku u tregon fansave të tij se ka nisur nga puna për këtë përballje, nga e cila pritet të fitojë mbi 100 milionë dollarë.

-Advertisement-

Sportistet Conor McGregor dhe Floyd Mayweather

Boksieri 40-vjeçar nuk duelon që prej shtatorit 2015, kur mundi Andre Berto në përballjen e tij të fundit në ring, duke e mbyllur karrierën me 49 fitore dhe asnjë humbje. Në videon e nxjerrë në rrjetet sociale, duket Mayweather që luhet ne vazelinë fytyrën para se të ngjitet në ring dhe të nisë stërvitjen, duke mbajtur një palë doreza ngjyrë pink. Përballja ndaj McGregor do të jetë me 12 raunde dhe pritet të jetë një nga sfidat më të ndjekura dhe të paguara në historinë e sporteve luftarake.