Lajme

MAPL vazhdon përkrahjen e OJQ-ve

Autori: Gazeta inFokus 15:33 | 28 April 2017

Zëvendësministri i Ministrisë së Administrimit të Pushtetit Lokal, z. Bajram Gecaj, ka nënshkruar marrëveshje mirëkuptimi me përfaqësuesin e organizatës Jo-Qeveritare “Together Initiative for Progress”, z. Edis Prapashtica, për financimin e projektit, “Promovimi i zhvillimit ekonomik lokal si formë e partneritetit ndërmjet sektorit publik, privat dhe shoqërisë civile”.

Projekti ka për qëllim ngritjen e kapaciteteve profesionale të të rinjve ne fushën e ndërmarrësisë dhe aftësimin e tyre për themelimin e bizneseve, duke marrë në konsideratë resurset natyrore të zonave të caktuara rurale dhe urbane në komuna, si dhe partneritetit me komunat e biznesit për të rritur pjesëmarrjen qytetare në jetën publike./INFOKUSI