Sport

Manchester United është i interesuar për Ansu Fati

Autori: Gazeta inFokus 13:27 | 31 Mars 2023

Manchester United shpreson të sjellë në ‘Old Trafford’ anësorin e Barcelonës, Ansu Fati.

Ky i fundit nuk është i kënaqur me hapësirën që po i jepet në skuadrën e Xavit, ndaj drejtuesit e “Djajve të Kuq” duan të përfitojnë nga kjo situatë dhe do të dërgojnë një ofertë zyrtare në afatin kalimtar të verës.

Ansu Fati ka bërë 38 paraqitje për Barcelonën këtë sezon, por ishte titullar vetëm në nëntë ndeshje në La Liga dhe babai i tij shprehu publikisht pakënaqësinë e tij me trajnerin Xavi Hernandez.

-Advertisement-

Talenti 20-vjeçar filloi të mendojë largimin nga ‘Camp Nou’ sepse është i pakënaqur me minutat e lojës që po merr. Nga ana tjetër, edhe Barcelona duhet të sigurojë 200 milionë euro për të kënaqur “fair play”-in financiar të UEFA-s.