Sport

Man City barazon me Bayernin në udhëtim, por kalon në gjysmëfinale

Autori: Gazeta inFokus 23:05 | 19 April 2023

Manchester City ka barazuar në ndeshjen kthyese ndaj Bayern Munichut, por e ka siguruar kualifikimin në gjysmëfinale të Ligës së Kampionëve.

“Citizens” barazuan 1:1 në udhëtim dhe duke kaluar në gjysmëfinale me rezultat të përgjithshëm 4:1.

Anglezët hynë në këtë takim me epërsi prej tre golave nga ndeshja e parë, shkruan Gazeta Express.

-Advertisement-

Leroy Sane pati një mundësi të artë shënimi që do ta hapte jashtëzakonisht shumë sfidën, por dështoi të shënonte.

Në anën tjetër, Erling Haaland e humbi penalltinë në minutën e 38-të, duke gjuajtur mbi portë.

Por, norvegjezi e përmirësoi gabimin, duke shënuar gol në minutën e 57-të, pas asistimit nga De Bruyne.

Në minutën e 83-të, Joshua Kimmich realizoi nga penalltia për të barazuar rezultatin, por kjo ishte krejt çfarë mundi të bënte kampioni gjerman sonte.

Kësisoj, Manchester City e siguron kualifikimin në gjysmëfinale të Ligës së Kampionëve, aty ku e pret kampioni në fuqi, Real Madridi.

Subscribe në YouTube: GAZETA INFOKUSI
Etiketa:
Blerando i Big Brother Vip Kosova – fytyra e re e Prince Espresso
-Advertisement-

Të tjera

Fokusi

sport