Sport

Luis Enrique: Ndaj Suedisë nuk luajmë për barazim

Autori: Gazeta inFokus 14:32 | 12 November 2021

E enjtja e eliminatoreve i buzëqeshi Spanjës që falë suksesit minimal 0-1 në transfertën ndaj Greqisë, përfitoi edhe nga hapi fals i Suedisë ndaj Gjeorgjisë për t’u ngjitur në krye të grupit B me 16 pikë. Ndeshjen e fundit në grup Spanja do ta ketë pikërisht ndaj Suedisë por nëse përpara ndeshjeve të së enjtes La Rojas do t’i duhej një fitore me çdo kusht në duelin direkt ndaj nordikëve pas rezultateve të ndeshjeve të fundit, Spanjës mund t’i mjaftojë edhe një barazim përballë Ibrahimovic me shokë për të siguruar kualifikimin direkt në Katar 2022. Gjithsesi edhe pse Spanja luan për dy rezultate ndaj Suedisë, trajneri Luis Enrique është shprehur se skuadra e tij do të zbresë në fushë vetëm për fitore.

“Do të luajmë për të fituar si gjithmonë, edhe pse jemi të vetëdijshëm për vështirësitë që përcjell sfida. Suedia është një rival i fortë me të cilët jemi përballuar shpesh dhe për këtë arsye i njohim mirë. Nuk duhet të bëjmë gabime në këtë ndeshje, por duhet të jemi efikasë si në lojën me top ashtu edhe në atë pa top. Do të kemi në krahun tonë edhe mbështetjen e tifozëve. Shpresoj që tifozët në La Cartuja të jeni lojtari jonë i 12-të dhe të na bëjnë të fluturojmë”, thekosi Luis Enrique.

Të tjera