Lojërat e Vuçiq, liroi 3 policët kosovarë duke ua konfirmuar aktakuzën, çfarë ndodh tash?
![](https://gazetainfokus.com/wp-content/uploads/2023/06/policet-e-kosoves-600x3601-1.jpeg)
Autori: Gazeta inFokus
16:02 | 26 June 2023
Tre policët Rifat Zeka, Beqir Sefi dhe Mustafë Shemi, patën fatin e keq kur rastisën të patrullonin në një situatë të tensionuar prej ditësh në veri të vendit. Forcat speciale serbe i rrëmbyen policët për t’i dërguar në paraburgim për 12 ditë. Të hënën, pas një presioni të madh ndërkombëtar, Vuçiq urdhëroi që ata të lirohen. Por, Gjykata në Kralevë u kujdes që të mos i shfajësojë ata. Ua konfirmoi aktakuzën dhe ua ndërpreu paraburgimin.
Me duar të lidhura, me sy të mbyllur e të shtrirë në tokë, policët u dërguan në Serbi me 14 qershor të këtij viti. Ndikimi i autoriteteve ndërkombëtarëve, shteteve mike të Kosovës, bëri që policët të liroheshin sepse padrejtësisht po mbaheshin në paraburgim deri sot.
Gjykata e Lartë e Kralevës ka konfirmuar Aktakuzën e Prokurorisë së Lartë të Kralevës ndaj tre policëve, të cilëve u vihet në barrë vepra penale “prodhim, mbajtje dhe qarkullim ilegal i armatimit dhe mjeteve shpërthyese,” sipas nenit 348, paragrafi 4, të lidhur me paragrafin 2 dhe 1 të Kodi Penal të Serbisë.
Por çfarë ndodh tash?
Avokati Arbër Jashari thotë se kjo punë ka marrë sot fund, anipse policëve u është konfirmuar aktakuza.
”Pavarësisht se atyre u është konfirmuar aktakuza, Serbia si duket e ka parë gabimin dhe është dorëzuar përballë presionit ndërkombëtar dhe drejtësisë. Rasti proceduralisht mbetet i hapur, por pa prezencën fizike të policëve të rrëmbyer (të pandehurve), nuk mund të bëhet asnjë hap. Nuk pres që këta zyrtar policorë, do t’i përgjigjen ndonjëherë ftesës së ndonjë gjykate serbe. Për mua si avokat, kjo punë ka marrë fund sot”, tha Jashari për Gazetën Express.
Tre zyrtarët policorë të Kosovës, të cilët u liruan nga autoritetet e Serbisë, arritën në Kosovë përmes vendkalimit kufitar në Merdare.
Njëri nga policët është deklaruar duke thënë se janë shumë mirë me shëndet.
“Në rregull, shumë mirë, mirë jemi krejt”, është deklaruar shkurt një nga policët.
Pas lirimit të tyre, Ministria e Punëve të Jashtme dhe diasporës tha se akuzat e autoriteteve serbe ndaj policëve janë të motivuara politikisht.
“Theksojmë edhe njëherë se rrëmbimi i policëve tanë në detyrë brenda territorit të Kosovës është një akt agresioni i Serbisë dhe shkelje e normave ndërkombëtare, dhe se akuzat e autoriteteve serbe janë të paqëndrueshme dhe të motivuara politikisht. Siç edhe është dëshmuar me prova të qarta, policët kanë qenë brenda territorit të Republikës së Kosovës, duke kryer detyrën e tyre”, tha MPJD në një reagim dërguar mediave.
Opozita falënderoi SHBA-në e miqtë ndërkombëtarë për lirimin e policëve, ndërsa pushteti kërkoi që Serbia të mbahet përgjegjëse.
“Konfirmojmë se tre policët e rrëmbyer janë liruar. Edhe pse jemi të gëzuar që ata po kthehen në familjet e tyre, ky rrëmbim është një shkelje e rëndë e të drejtave të njeriut dhe duhet qortuar. Agresioni serb duhet të mbajë përgjegjësi.”, është shprehur kryeministri i vendit, Albin Kurti.
Ndërsa, ministri i MPB-së, Xhelal Sve֛la tha se ndonëse janë liruar “përndjekja nga Serbia do të vazhdojë në liri”.
“Ata duhet të lirohen pa kushte dhe Serbia duhet të mbahet përgjegjëse për cenimin e integritetit territorial të Republikës së Kosovës”, u shpreh ndër të tjera Sveçla.
Kreu i qeverisë shqiptare Edi Rama ka reaguar pas lajmit për lirimin e 3 policëve të Kosovës nga Serbia.
Nëpërmjet një reagimi në Tëitter, Rama thotë se kthimi i policëve është një lajm i vonuar, megjithatë shumë i mirë sepse i jep fund heqjes arbitrare të lirisë së tre njerëzve që s’kanë kryer asnjë krim dhe i hap rrugë de-eskalimit të dialogut.
![](https://gazetainfokus.com/wp-content/uploads/2024/06/Unicef-dhe-Devolli-Corporation.jpeg)
Të tjera
-
Dy qytetarë sulmohen nga qentë endacakë në oborrin e QKUK-së në Prishtinë
Dy persona janë sulmuar nga qentë endacakë në Qendrën Klinike Universitare të...
-
Ulja e dënimit për Salih Mustafën, avokati thotë se ka bazë që të zvogëlohet edhe më tutje
Avokati Xhevdet Smakiqi ka folur në lidhje me vendimin për uljen e dënimit të...
-
“E kam lut me u ndal”, pronari i hotelit ku kishte ndodhur vrạsja në Dragodan rrëfen për ngjarjen
Dëshmitari Vegim Imeri, pronar i hotelit ku kishte ndodhur vrasja në 2023-ën ...
-
Daut Haradinaj: AAK-ja bën gabim nëse bën koalicion me Vetëvendosjen
Zyrtari i Aleancës për Ardhmërinë e Kosovës (AAK), Daut Haradinaj, ka shprehu...
-
Ndërron jetë kirurgu Dalip Limani, ShSKUK del me një njoftim
Shërbimi Spitalor dhe Klinik Universitar i Kosovës, ka njoftuar se ka vdekur ...
-
Tahiri: Tash kur dështoi ta hap Urën, Kurti po thotë se “po presim KFOR-in dhe shtetet e QUINT-it”
Ish-kryenegociatorja e Kosovës për bisedimet me Serbinë, Edita Tahiri, ka rea...
-
Ky është “sheiku” arab që po raportohet se u arrestua në Prishtinë
Njësiti Fast Kosova i Policisë së Kosovës, sot pas një pune intensive në terr...
-
Detaje nga vrạsja e dyfishtë në Fier, viktimat xhaxha dhe nip mes vete
Një konflikt mes djalit të autorit, Altin Kukës dhe dhe dy viktimave, që mëso...
-
“Policia ishte korrekte, nuk pati dhunë” – Politikani serb që u arrestua sot në veri flet pas lirimit
Nënkryetari i partisë së serbëve të Kosovës, “Demokracia Serbe”, Ivan Orllovi...
-
“Osmani e mori vesh përmes shokëve të burrit”- Syla pretendon se do të ketë arrestime brenda Qeverisë Kurti, thotë se kjo është arsyeja pse u distancua presidentja
Analisti Valon Syla deklaroi se javët në vijim do të ketë arrestime brenda Qe...
-
12 vjet nga përfundimi i mbikqyrjes së pavarësisë, Kurti falënderon aleatët
Kryeministri Albin Kurti ka thënë se është mirënjohës për mbështetjen e aleat...
-
Ilir Mirena: Vjosa po kërkon armiq që ta vazhdoj karrierën, Albinit më nuk i duhet
Gazetari Ilir Mirena, ka thënë se presidentja e Kosovës Vjosa Osmani, ka nevo...