Lajme

Lladrovci pret në takim Ambasadorin e Finlandës në Kosovë, diskutojnë për thellimin e bashkëpunimit

Autori: Gazeta inFokus 12:48 | 10 November 2022

Kryetari i Komunës së Drenasit, Ramiz Lladrovci ka pritur sot në takim Ambasadorin e Finlandës në Kosovë, Matti Nissinen.

Lladrovci ka thënë se në takim kanë diskutuar për rëndësinë e arsimit, për performancën komunale si dhe sfidat me të cilat ballafaqohet komuna e e Drenasit. Ujërat e zeza dhe ndotja e ambientit, ishin dy nga çështjet që Lladrovci ka thënë se i veçoi në takim.

“Sot, pata kënaqësinë të pres në takim, Shkëlqesinë e tij, Ambasadorin e Finlandës, Matti Nissinen dhe me këtë rast, theksova raportet e shkëlqyera me komunën Laukka në lëmin e arsimit, me shkollat dhe arsimtarët finlandezë, si dhe bashkëpunimin e nxënësve tanë me mësimet e përbashkëta online me nxënësit finlandezë.

-Advertisement-

Në takim, theksova kënaqësinë për praninë time në kremtimin e 100 vjetorit të Pavarësisë së Finlandës dhe mikpritjen e ngrohtë që gjeta atje. Theksova rëndësinë e arsimit si prioritet i cili merr përkrahje time të plotë, fola për performancën komunale si dhe sfidat me të cilat ballafaqohet komuna. Ujërat e zeza dhe ndotja e ambientit, ishin dy nga çështjet që i veçova në takim.

E falënderova Ambasadorin Nissinen për gatishmërinë për të thelluar dhe begatuar bashkëpunimin tonë, në arsim, ekonomi dhe fushat tjera me interes të përbashkët me mundësi të investimeve nga kompanitë finlandeze në Drenas. Ambasadorit i urova mandat të suksesshëm në Kosovë duke i ofruar miqësinë time dhe të qytetarëve të Drenasit”, ka shkruar Ladrovci.

Subscribe në YouTube: GAZETA INFOKUSI
Etiketa:
FREE FRIDAY ME ZBRITJE DERI 70%
-Advertisement-

Të tjera

Fokusi

lajme