Lladrovci: Draft-ligji për pagat në sektorin publik, degradues për nivelin lokal
Autori: Gazeta inFokus 19:01 | 04 December 2022
Kryetari i komunës së Drenasit, Ramiz Lladrovci, ka paraqitur kritikë ndaj Draft-ligjit për pagat në sektorin publik, ku evidenton disproporcion të pagës së zëvendësministrit, si i emëruar politik me kryetarët e komunave, të zgjedhur me votën e qytetarëve.
Lladrovci thekson se “këto përgjegjësi nuk reflektojnë nivelin e pozicionimit të një kryetari komune në Draft-ligjin e pagave. Emërimi politik i një zëvendësministri bëhet më i rëndësishëm dhe më i çmuar se një kryetar komune i zgjedhur me demokraci të drejtpërdrejtë”.
Postimi i plotë i Lladrovcit:
Draft-ligji për pagat në sektorin publik, degradues për nivelin lokal
Ta lësh kryetarin e një komune (përjashto Kryetarin e Kryeqytetit) të pozicionuar me pagë më poshtë se sa një zëvendësministër, shpërfaq më së miri tendencën që ka ky pushtet në raport me nivelin lokal. Ka mos përputhje totale të përgjegjësive që kanë këto dy pozita të larta, sipas ligjeve në fuqi.
Ja një ilustrim: Sipas Ligjit për Organizimin e Administratës, Zëvendësministri ndihmon ministrin dhe është pjesë e hierarkisë administrative, zëvendëson ministrin në rastet e mungesës së tij të përkohshme apo për përgjegjësitë e deleguara shprehimisht nga ministri.
Kurse sipas Ligjit për vetëqeverisje lokale, përgjegjësitë e kryetarit të komunës janë tejet të mëdha, përveç që zgjedhet direkt nga qytetarët, kryetari i komunës ndër të tjera ka këto kompetenca:
Përfaqëson komunën dhe vepron në emër të saj; udhëheq ekzekutivin e komunës dhe administratën e saj dhe mbikëqyr administrimin financiar të komunës; ushtron të gjitha kompetencat, të cilat nuk i jepen në mënyrë eksplicite kuvendit të komunës apo komiteteve të tij.
Pra, si të tilla, këto përgjegjësi nuk reflektojnë nivelin e pozicionimit të një kryetari komune në Draft-ligjin e pagave. Emërimi politik i një zëvendësministri bëhet më i rëndësishëm dhe më i çmuar se një kryetar komune i zgjedhur me demokraci të drejtpërdrejtë.
Kjo mund të jetë e qëllimshme apo nga padituria (mbetet për t’u parë dhe vlerësuar), por është edhe një arsye shtesë që Kosova të mbetet edhe më tutje pa ligj të pagave, ngase ky Draft nëse kalon në Kuvend siç është propozuar nga Qeveria, do ta ketë fatin e ligjit paraprak, me konstatimin si jo kushtetues nga Gjykata Kushtetuese.
Të tjera
-
Bastisja e FBI-së, Melania Trump akuzon qeverinë amerikane për shkelje të privatësisë
Ish-zonja e parë Melania Trump të shtunën akuzoi qeverinë amerikane për shkel...
-
Këshilltari i Kurtit sulmon rëndë Haradinajn: Ndoshta i jep tokë Serbisë si Malit të Zi
Hysamedin Feraj, këshilltar i Kryeministrit të Kosovës, Albin Kurtit, ka prov...
-
Kryetarja e Komisionit Evropian më 19 shtator takon liderët e Ballkanit Perëndimor
Presidentja e Komisionit Evropian, Ursula von der Leyen ka ftuar për këtë të ...
-
Rama ka një njoftim për të gjithë investitorët
Kryetari i Prishtinës, Përparim Rama ka një njoftim për të gjithë investitorë...
-
Tahiri: Sovraniteti në veri nuk ekziston, Kurti me vetëbesim bosh për hapjen e Urës së Ibrit
Ish-kryenegociatorja, Edita Tahiri nuk pret vazhdim të dialogut deri pas zgje...
-
BE analizon agjendën e reformave të vendeve të Ballkanit para pagesave të para, mbi 800 milionë euro në pyetje për Kosovën
Presidentja e Komisionit Evropian, Ursula von der Leyen, e cila është zgjedhu...
-
Një paralele e klasës së dytë nga shkolla “Dardania“ bojkoton mësimin, shkak orari i nxënësve
Nxënësit e shkollës fillore të mesme të ulët (SHFMU), Dardania në Prishtinë, ...
-
“Qëllimi jonë është Islamizimi i Kosovës e Preshevës, unë nuk jam shqiptar”, deklarata kontroverse e hoxhës nga Sanxhaku ishte bërë para gjashtë vitesh
Mevludin Dudiq, një hoxhe nga Sanxhaku, iu janë kthyer në vëmendje disa dekla...
-
Gjuajti me aŕmë derisa ishte në aheng, arrestohet krushiani
Një person është arrestuar në Krushë të Vogël të Prizrenit dje më 14 shtator,...
-
PDK-ja i reagon Brestovcit për mbeturinat: Kanë qëllim falimentimin e ndërmarrjes publike
Shefi i asamblistëve të PDK-së në Komunën e Prishtinës, Leutrim Retokoceri ka...
-
Vulini thotë se Serbisë nuk i duhet BE-ja nëse i pret njohja e Kosovës
Zëvendëskryeministri i Serbisë, Aleksandar Vulin deklaroi se Serbia është në ...
-
Ministri serb: Masat e Serbisë për Kosovën nisin në nëntor
Ministri i Punës dhe Çështjeve Sociale në Serbi, Nemanja Staroviq, tha se pak...