Sport

Liverpooli vazhdon shkëlqimin në Premierligë

Autori: Gazeta inFokus 23:14 | 04 December 2019

Liverpooli ka vazhduar me fitore të njëpasnjëshme në kampionatin elitar anglez, shkruan Gazeta inFokus.

The Reds të mërkurën mbrëma triumfuan ndaj rivalit lokal Evertonit me rezultat 5-2, në duelin e javës se pesëmbëdhjetë në Premierligë.

Skuadra e Jurgen Klopp e nisi furishëm takimin, ku në minutën e 6’ kaloi në epërsi me golin e realizuar nga Divockt Origi.

-Advertisement-

Për 2-0 shënoi i rikthyeri në formacion pas një kohe të gjatë, kosovari Xherdan Shaqiri.

Shaqa realizoi në minutën e 17’ pas një asistimi fantastik nga Mane.

Mysafiret arritën ta ngushtonin rezultatin në minutën e 21’ me golin e sulmuesit Keane.

Skuadra nga Anfieldi nuk ndalë me kaq dhe në minutën e 32’ shënoi përsëri me anë të Origit për rezultatin 3-1.

Se Liverpooli kishte hyrë me të vetmin qellim fitoren u pa në minutën e 45’, ku Sadio Mane pas dy asistimeve arriti të shënoj edhe gol për rezultatin 4-1.

Evertoni në fund të pjesës së parë, saktësisht në minutën e 45+3’ arriti të shënoj për rezultatin 4-2 më anë të Richarlision, më të cilin rezultat u mbyllë pjesa e parë.

Në 45 minutat e dytë skuadra e kuqe shënoi edhe një gol.

Ishte holandezi Wijnaldum ai i cili realizoi për rezultatin përfundimtar 5-2.

Kjo ishte fitorja e 14 e Liverpoolit në Premierligë krahas një barazimi pas 15 ndeshjeve të zhvilluara.

Liverpooli vazhdon kryesimin në Premierligë me 43 pikë, 8 me shumë se përcjellësi i dytë Leicesteri dhe 11 më shumë se Manchester City që renditet i dyti, kurse Evertoni mbetet i 18-ti me 14 pikë./Gazeta inFokus/

Subscribe në YouTube: GAZETA INFOKUSI