Sport

Liria demolon Llapin, tre gola për vendin e tretë në tabelë

Autori: Gazeta inFokus 16:01 | 20 October 2017

Liria nga Prizreni ka fituar në shtëpi ndaj liderit të kampionatit, Llapit nga Podujeva me rezultat të thellë 3-0.

Skuadra prizrenase ka fituar bindshëm ndaj Llapit në takimin e zhvilluar në stadiumin “Përparim Thaçi” në kuadër të xhiros së 11-të të Superligës së Kosovës.

Ekipi i drejtuar nga trajneri Bledi Shkëmbi e nisi në mënyrë të përkryer takimin duke shënuar në minutën e parë të ndeshjes me anë të Florent Avdylit.

-Advertisement-

Festa tek goli i Avdylit

Liria vazhdoi me dominim edhe në kalimin e ndeshjes, duke gjetur edhe golin e dyfishimit të epërsisë pak minuta pa përfunduar pjesa e parë.

Ishte Zenel Gavazaj, i cili shënoi për 2-0 dhe dërgoi skuadrën e tij në pushim me qetësi pas dy golave epërsi.

Edhe pjesa e dytë foli në të mirë të prizrenasve, të cilët gjeten edhe golin e tretë në takimin duke vulosur fitoren e madhe ndaj liderit të kampionatit.

Pamje gjatë ndeshjes Liria-Llapi

Ishte Besart Islamaj që shënoi në minutën e 81-të dhe vulosi rezultatin përfundimtar të ndeshjes 3-0.

Pas kësaj fitore, Liria ngjitet në vendin e tretë në tabelë me 18 pikë të mbledhura po aq sa Gjilani në vendin e dytë, ndërsa Llapi vazhdon në vendin e parë me 20 pikë.

Në ndeshjen e ardhshme, “Arpagjiktë” e presin Vëllaznimin në shtëpi, ndërsa Llapi do luaj përsëri në udhëtim, kësaj radhe te Drenica.

Subscribe në YouTube: GAZETA INFOKUSI