Lajme

Liburn Aliu pas dënimit të Salih Mustafës: Liri për çlirimtarin, që gjithë jetën e tij e vuri në shërbim të luftës për liri

Autori: Gazeta inFokus 13:25 | 16 December 2022

Ministri i Mjedisit, Planifikimit Hapësinor dhe Infrastrukturës, Liburn Aliu ka thënë se ish-komandanti i Ushtrisë Çlirimtare të Kosovës, Salih Mustafa mori dënim të pamerituar, shkruan Gazeta Infokus.

Dënimin ndaj komandant “Calit”, Aliu e quajti padrejtësi ndaj gjithë kombit shqiptar.

Ministri i LVV-së, kërkoi lirimin e Mustafës, të cilin e quajti çlirimtar që gjithë jetën e tij e vuri në shërbim të luftës për liri.

-Advertisement-

Gjithashtu, ai përmendi faktin që partia e tij e ka kundështuar formimin e Gjykatës Speciale.

“Sot mori një dënim të rëndë dhe të pamerituar ish-komandanti i Ushtrisë Çlirimtare të Kosovës, Salih Mustafa – Cali, i cili luftoi për çlirimin e vendit nga pushtimi serb. Ne kemi qenë kundër Gjykatës Speciale kur themelimi i saj u propozua në Kuvend atëherë, dhe sot po kuptohet, fatkeqësisht, se kishim të drejtë. Plot 26 vite dënim, për njeriun i cili i doli në mbrojtje vendit të tij. Kjo është një padrejtësi e madhe ndaj gjithë kombit tonë.

Lavdi luftës së pastër e të shenjtë të UÇK-së!

Liri për çlirimtarin, që gjithë jetën e tij e vuri në shërbim të luftës për liri! Liri për komandant Calin!”, ka shkruar ai në Facebook.

Të premten Gjykata Speciale dënoi Salih Mustafën me 26 vjet burgim./Gazeta Infokus/

Subscribe në YouTube: GAZETA INFOKUSI
Presidenti i UNI z. Alejtin Berisha, folës mbi temën “Women’s Role in Artificial Intelligence Development” në DOKUTECH, edicioni i 11-të
-Advertisement-

Të tjera

Fokusi

lajme