Lajme

LDK shpreh ngushëllime për regjisorin, Bekim Lumi

Autori: Gazeta inFokus 10:55 | 30 July 2018

Në emër të Këshillit të Ekspertëve të LDK-së, Avdullah Hoti ka shprehur ngushëllime për vdekjen e regjisorit kosovar, Bekim Lumi, përcjell KosovaPress.

“Pikëllues lajmi për shkuarjen në amshim të regjisorit Bekim Lumi. Shfaqjet e tij ishin hapat e parë në modernizimin e teatrit kosovar. Mungesa e tij do të jetë e pazëvendësueshme në botën e artit dhe shoqërisë kosovare.Këshilli i Ekspertëve për Kulturë, Rini e Sport i LDK-së ka qenë i nderuar që ka pasur në mesin e vetë një personalitet të tillë si Profesori i Akademisë së Arteve, Bekim Lumi”, ka shkruar Hoti.

Ai ka shtuar se Lumi mbetet një mik i shtrenjtë, i cili me krijimtarinë e tij artistike, me punën e palodhshme prej pedagogu e eksperti të pashoq në fushën e arteve skenike, la shenjë të pashlyeshme në jetën kulturore të Kosovës.

-Advertisement-

“Ne do ta kujtojmë përjetë si një njeri me virtyte të larta e si profesionist të shkëlqyer. Ngushëllime familjes, miqve nga bota e artit dhe gjithë artdashësve kosovarë. Zoti e bekoftë Beken tonë. Zoti e bekofte familjen Lumi”, ka përfunduar Hoti.

Regjisori Lumi ka vdekur sot, pasi u përball me një sëmundje të rëndë prej rreth dy vitesh

Subscribe në YouTube: GAZETA INFOKUSI