Lansohet masa për efiçencën e energjisë në shtëpi, Kurti – qytetarëve: Kush aplikon i pari, shërbehet i pari
Autori: Gazeta inFokus 17:44 | 26 August 2024
Një thirrje e dytë publike për subvencionimin e masave për efiçencë të energjisë në shtëpitë individuale që ka për qëllim subvencionimin direkt për familjet që të investojnë në ngritje të efiçencës së energjisë në shtëpitë e banesat e tyre, u lansua sot.
Kryeministri Albin Kurti tha në fjalën hyrëse se këtë vit synojnë subvencionimin e 1,300 familjeve të tjera, derisa tha se nga thirrja e parë kanë përfituar 2,100 familje, me mbi 12,000 anëtarë,. Vlera totale e subvencionit tha se kishte arritur 7.9 milionë euro.
“Kësaj radhe thirrja parashihet të mbetet e hapur për dy javë, mirëpo duke pasur parasysh përvojën tejet pozitive të familjeve deri më tash dhe interesimin e madh për këtë thirrje, ju ftoj të gjithëve që të aplikoni sa më parë”, tha Kurti.
Ai tha se kjo ishte “një ndër masat më të mirëpritura nga qytetarët vitin e kaluar”. Për të tanishmen, tha se e ka “ndikimin më të madh e pozitiv në afat të gjatë”.
“Thirrja ka qenë e hapur sipas parimit të njëjtë: kush vjen i pari, shërbehet i pari. E si rezultat i interesimit të madh, thirrja është mbyllur vëtëm për 13 ditë ndonëse ka qenë e paraparë të jetë e hapur për 45 ditë. Kësaj radhe thirrja parashihet të mbetet e hapur për dy javë, mirëpo duke pasur parasysh përvojën tejet pozitive të familjeve deri më tash dhe interesimin e madh për këtë thirrje, ju ftoj të gjithëve që të aplikoni sa më parë sepse kush aplikon i pari shërbehet i pari!”, tha Kurti.
Këto masa, Kurti tha se janë “rezultat edhe i mbështetjes financiare të Bashkimit Evropian të cilët kanë lansuar pakon përkrahëse emergjente për shtetet e Ballkanit Perëndimor, ku Republika e Kosovës përfitoi 75 milionë euro”.
Kurti i ftoi qytetarët që të hapin llogari në e-Kosova dhe të aplikojnë për të qenë përfitues të thirrjes.
Fjala e plotë e Kurtit:
E nderuara znj. Artane Rizvanolli, Ministre e Ekonomisë,
I nderuari z. Driton Hetemi, Drejtor i Fondit të Kosovës për Efiçiencë të Energjisë,
I nderuari z. Alessandro Biancardi, përfaqësues i Zyrës së Bashkimit Evropian në Kosovë,
Të nderuar përfaqësues të mediave,
Të nderuar të pranishëm,
Zonja dhe zotërinj,
Në vitet 2022 e 2023 teksa e gjithë Evropa po përballej me krizë të paparë energjetike, furnizimi po rrezikohej për të gjithë ne. U bë e qartë domosdoshmëria për ri-formësim të sistemit energjetik të Evropës. Evropa nuk mund të mbetej peng i importit nga burimet e energjisë të shteteve autokrate e agresore si Rusia. E vetmja mënyrë për ta shmangur këtë është përmes rritjes së prodhimit të energjisë nga burimet e pavarura, si dhe përmes uljes së konsumit duke rritur efiçiencën e energjisë.
Asokohe, takim pas takimi, kemi kërkuar që kur të përgatiten masat për dalje nga kriza për Bashkimin Evropian, të mos lihen anash as shtetet e Ballkanit Perëndimor. Në fund të fundit, e vetmja mënyrë jashtë një krize të përbashkët është bashkëpunimi i ngushtë përmbajtësor mes të gjitha vendeve tona. Si rezultat, Bashkimi Evropian ka lansuar pakon përkrahëse emergjente për shtetet e Ballkanit Perëndimor, ku Republika e Kosovës përfitoi 75 milionë euro, apo shumën më të lartë për kokë banori në rajon.
Qëllimi i kësaj pakoje ishte zbutja e ndikimit socio-ekonomik të krizës energjetike. Por me këtë rast ne kishim edhe diçka tjetër në mendje. Kur kemi dizajnuar këtë pako, ne jemi siguruar që përfitimet të jenë të menjëhershme, por jo vetëm afatshkurtra. Masat janë dizajnuar ashtu që të përmirësohet cilësia e jetesës e të ulen shpenzimet e energjisë për familjet e bizneset e vendit tonë në të ardhmen, në afat të gjatë. Këtë pako, të përkrahur nga Bashkimi Evropian, e kemi bazuar në një skemë të suksesshme të Ministrisë së Ekonomisë gjatë dimrit 2022-2023: skemën e subvencionimit të pajisjeve efiçente për ngrohje për 10,000 familje, si dhe ide të tjera inovative.
Një ndër masat më të mirëpritura nga qytetarët vitin e kaluar, e me ndikimin më të madh e pozitiv në afat të gjatë është pikërisht kjo që po lansojmë sot – masa për efiçencën e energjisë në shtëpitë individuale.
Thirrja ka qenë e hapur sipas parimit të njëjtë: kush vjen i pari, shërbehet i pari. E si rezultat i interesimit të madh, thirrja është mbyllur vëtëm për 13 ditë ndonëse ka qenë e paraparë të jetë e hapur për 45 ditë. Kësaj radhe thirrja parashihet të mbetet e hapur për dy javë, mirëpo duke pasur parasysh përvojën tejet pozitive të familjeve deri më tash dhe interesimin e madh për këtë thirrje, ju ftoj të gjithëve që të aplikoni sa më parë sepse kush aplikon i pari shërbehet i pari!
Nga thirrja e parë kanë përfituar 2,100 familje, me mbi 12,000 anëtarë. Vlera totale e subvencionit ka arritur 7.9 milionë euro. Kësaj here synojmë t’i subvencionojmë edhe 1,300 familje të tjera për të izoluar shtëpitë e tyre, për të ndërruar dyert e dritaret e jashtme e për t’i izoluar çatitë e shtëpive.
Në vitet 2022 e 2023 teksa e gjithë Evropa po përballej me krizë të paparë energjetike, ne e kemi të qartë se duhej të ndërmerrnim diçka e cila na bën neve pjesë të Evropës për të dalur nga ajo krizë e përbashkët, dhe Bashkimi Evropian e dëshmoi një gjë të tillë pikërisht duke na ndarë një ndihmë të këtillë. Ne jemi bashkë atëherë kur e ndihmojmë njëri-tjetrin dhe Bashkimi Evropian e ka pikërisht këtë synim e këtë kuptim.
E tash të dashur qytetarë, përgjatë tri viteve të fundit si Qeveri kemi punuar që të hartojmë politika gjithëpërfshirëse e të zbatojmë masa dhe nisma të tilla që mbështesin secilën e secilin prej jush. Masat që po lansojmë sot nuk janë përjashtim. Si institucione jemi siguruar që çdo qytetar i Republikës së Kosovës të mund të përfitojë nga to. Po ju ndihmojmë që të ngrisni cilësinë e jetesës duke u siguruar që me sa më pak shpenzime për energji të keni mundësi që t’i mbani shtëpitë e juaja të ngrohta gjatë dimrit e të freskëta gjatë verës. Andaj, ju ftoj të gjithëve që të hapni llogaritë tuaja në e-Kosova dhe të aplikoni për të qenë përfitues të thirrjeve.
Dua të falënderoj Bashkimin Evropian për mbështetjen financiare prej 75 milionë euro, ky është solidariteti në vepër i tyre, për masat që lehtësojnë përballjen me krizën e që implementohen nga Fondi i Kosovës për Efiçiencë të Energjisë, Ministria e Ekonomisë, dhe Ministria e Financave, Punës dhe Transfereve. Si dhe dua të përgëzoj Fondin Kosovar për Efiçiencë të Energjisë për një punë të shkëlqyeshme me këto masa e me përkrahje direkte të familjeve.
Ju priftë e mbara e ju faleminderit!
Të tjera
-
PDK mban mbledhjen e Kryesisë: Kosova ka nevojë për një kryeministër si Bedri Hamza me 9 shkurt
Partia Demokratike të Kosovës (PDK) ka mbajtur sot mbledhjen e radhës të Krye...
-
“Serbia refuzoi takimin trepalësh”, Bislimi i bën thirrje Lajçakut t’i demantojë mediat serbe
Kryenegociatori i Kosovës, Besnik Bislimi, ka deklaruar se Kosova ka pranuar ...
-
Si i fitoi miliona euro tenderë ndër vite Milan Radojiçiq nga institucionet e Kosovës?
Aktakuza e ngritur të mërkurën për rastin e Banjskës, duket se do t’i hap rrr...
-
Osmani takon ambasadorin Guerot, flasin për zhvillimet e fundit në fushën e sigurisë
Presidentja e Kosovës, Vjosa Osmani, ka pritur sot në takim ambasadorin e Fra...
-
Në Gjakovë identifikohet një lokacion i mbjellë me bimë nạrkotikẹ
Në brezin kufitar me Shqipërinë, në një zonë të thellë malore Policia e Kosov...
-
“Edhe gratë vdẹsin për atdhe”, Maqedonci fton të rejat t’i bashkohen FSK-së
Ministri i Mbrojtjes, Ejup Maqedonci, u ka bërë thirrje të rejave që të aplik...
-
Halil Kastrati: Dikush po telefonon në emrin tim, po kërkon para me premtimin se do të merrni një shumë më të madhe në këmbim
Humanisti i njohur, Halil Kastrati i ka lutur qytetarët që të mos bien pre e ...
-
33 vjet nga ndeshja e parë pas mëvetësimit të futbollit kosovar
Federata e Futbollit e Kosovës, përmes një njoftimi për media ka kujtuar një ...
-
Biserko: Idea e Vuçiqit për “territor të okupuar”, marrëzi
Sonja Biserko ka folur lidhur me deklarimet e presidentit serb, Aleksandar Vu...
-
Media serbe: Të martën vazhdon dialogu në Bruksel, Kosova refuzon takimin trepalësh
Në Bruksel, javën e ardhshme do të mbahet raundi i ri i dialogut në nivel kry...
-
Lajçaku tha se Serbia është tërhequr nga letra drejtuar BE-së, Bërnabiq: S’është koha të tregojmë tani
Pas konfirmimit pa mëdyshje të të dërguarit të BE-së për dialogun ndërmjet Ko...
-
Vuçeviq: Vuçiqi sot do të sqarojë çka po ndodhë në Kosovë dhe se çfarë do të ndërmarrë shteti serb
Presidenti i Serbisë, Alleksandar Vuçiq, në adresimin e sotëm për opinionin s...