Lajme

Tahiri në ShBA kërkon mbështetje për anëtarësimin e Kosovës në NATO

Autori: Gazeta inFokus 10:51 | 13 Shtator 2024

Shefi i Grupit Parlamentar të Aleancës për Ardhmërinë e Kosovës, Besnik Tahiri, gjatë qëndrimit në Huston të Teksasit, ka takuar kryetarin e Kongresit Amerikan, Mike Johnson dhe pesë kongresmenë.

Kështu ka bërë të ditur vetë Tahiri përmes një postimi në llogarinë e tij në Facebook, ku thuhet se në të gjitha takimet, ai ka theksuar që Kosova po angazhohet në forcimin e miqësisë dhe partneritetit në mes të dy shteteve.

Njëherit, Tahiri ka kërkuar që Kosova të ketë mbështetje për anëtarësim në NATO.

-Advertisement-

“Gjatë qëndrimit tim në Huston të Teksasit pata nderin të isha pjesë e një eventi të nivelit të lartë në SHBA dhe të takoj kryetarin e Kongresit Amerikan, z. Mike Johnson dhe pesë Kongresmenë (z. Randy Ëeber, z. Dan Crenshaë, z. Morgan Luttrell, Brian Babin dhe Kevin Brady kryesuesi i Ëays & Means Committee) të cilët i falenderova për mbështetjen që SHBA i dha Kosovës në të gjitha etapat e saj. Theksova se si vend angazhohemi në forcimin e miqësisë dhe partneritetin në mes të dy shtetëve dhe kërkova të kemi mbështetje për anëtarësimin e Kosovës më NATO”, ka shkruar Tahiri.

Po ashtu, Tahiri ka deklaruar se Kosova së bashku me miqtë e saj amerikan, do të vazhdojë të ndërtojë një rrugë drejt prosperitetit, sigurisë dhe suksesit të përbashkët.