Ekonomi

LAJMI I MIRË: Nga shkurti të gjitha pagesat mund të bëhen me pajisje për pagesa  elektronike

Autori: Gazeta inFokus 15:17 | 16 January 2020

Nga data 1 shkurt të këtij vitit, qytetaret e Kosovës mund të kryejnë pagesat përmes instrumenteve të pagesave elektronike.

Kështu ka njoftuar Banka Qendrore e Kosovës përmes një komunikate për medie, shkruan Gazeta inFokus.

Me anë të këtyre ndryshimeve klientët e bankave mund të i përdorin kartelat e tyre për kryerjen e pagesave për blerjen e mallrave dhe shërbimeve, përmes të gjitha terminaleve POS pa marr parasysh se cilës bankë i përkasin, pa aplikim të kostove shtesë.

“Këto ndryshime janë të bazuara në praktikat dhe standardet e BE-së, të cilat kanë për qëllim rritjen e përdorimit të kartelave dhe instrumenteve tjera të pagesave elektronike, si shërbime më efikase me kosto më të ulët për ofruesit dhe përdoruesit e shërbimeve të pagesave”, thuhet në këtë njoftim.

Prandaj, me anë të këtij njoftimi BQK i inkurajon të gjithë qytetarët të përdorin kartelat e tyre për pagesë, si mjete të sigurta pagese pa ndonjë kosto shtesë./Gazeta inFokus/

 

 

Të tjera