Fokus

LAJMI I FUNDIT: Nisë lirimi i autobusëve me kosovarë që u bllokuan nga Serbia në kufi

Autori: Gazeta inFokus 15:25 | 17 April 2024

Tashmë kanë filluar ti lirojnë autobusët me kosovarë të cilët ishin ndaluar qysh prej mbrëmë rreth orës 23:00 në kufirin Serbi – Kroaci, nga autoritetet serbe.

Kjo është bërë e ditur nga qytetarët të cilët kane qenë të bllokuar atje, shkruan Gazeta Infokus.

Në lidhje me këtë ka reaguar edhe ambasadori i Gjermanisë në Kosovë, Jorn Rohde i cili e ka mbështetur deklaratën e Raportueses për Kosovën në Parlamentin Evropian, Viola von Cramon, e cila bëri thirrje që Serbia t’i lejojë kosovarët ta kalojnë kufirin Serbi – Kroaci.

-Advertisement-

“Serbia duhet të ndalojë së turpëruari veten dhe menjëherë t’i lë mbajtësit e letërnjoftimeve dhe pasaportave të Kosovës ta kalojnë kufirin Batrovci, Serbi – Kroaci!.Duhet të sigurohet liria e lëvizjes së të gjithëve, pa diskriminim në bazë të kombësisë”, ka thënë Cramon.

Derisa për Infokusin në një lidhje direkte, shoferi i autobusit të “Zhitia Turist”, Euron Llugaliu, në jë ka treguar për gjendjen e vështirë të qytetarëve të cilët sipas tij , fëmijë, gra e të moshuar kishin mbetur pa ushqim dhe pa ujë, deri sot kur në kufi ka shkuar pronari i Linjës, Gazmend Zhitia dhe iu ka dërguar ushqim.

Sipas Llugaliut ishin 40 autobusë që ishin ndaluar, 25 prej tyre të cilët janë nisur në drejtim të Kosovës, ndërsa 15 të tjerë që janë nisur nga Kosova për në zonën Shengen./Gazeta Infokus/

 

“40 autobusë me qytetarë të bllokuar”, shoferi kosovar tregon si kanë mbetur pa ushqim nga dje në orën 23:00

 

Subscribe në YouTube: GAZETA INFOKUSI
BKS-ja kërkon nga Institucionet që sigurimi për bujqit të bëhët obligativ

Të tjera