Lajme

Lajm i mirë për bujqit: Ministria nisë ekzekutimin e pagesave për kulturat bujqësore

Autori: Gazeta inFokus 09:35 | 16 August 2022

Ministria e Bujqësisë ka njoftuar se tashmë ka filluar më procedimin e pagesave për përfituesit e subvencioneve për ‘Pagesa Direkte 2022’.

Këto subvencione bëhen për çdo kulturë bujqësore dhe përfitues janë 3 mijë e 901 bujq, derisa shumë e subvencionimit është 5,161,966.81 euro.

Ndërsa nga kjo ministri kanë dhënë edhe detaje së çfarë duhet bërë për të qenë përfitues në kuadër të këtyre subvencioneve.

-Advertisement-

Njoftimi i plotë nga Ministria e Bujqësisë:

“Ministria e Bujqësisë, Pylltarisë dhe Zhvillimit Rural ka filluar procedimin e pagesave për përfituesit e subvencioneve në kuadër të Programit për Pagesa Direkte 2022 për çdo kulturë bujqësore.

Vlera e proceduar për pagesë është 5,161,966.81 €, ndërsa numri i bujqve që do t’i përfitojnë këto mjete deri më tani është 3,901.

Duke qenë se afati për sasinë e dorëzuar të grurit është data 2 shtator, edhe pagesën për sasinë e dorëzuar të grurit në vlerën 0.03 €/kg MBPZHR – AZHB do ta bëjë pas kësaj date si pagesë e veçantë për të gjithë aplikuesit e grurit që dëshmojnë sasinë e dorëzuar të grurit duke u bazuar në kriteret e parapara me Programin e Pagesave Direkte 2022, konkretisht Udhëzimin Administrativ Nr.02/2022, pas kësaj date.

Dëshmia për sasinë e dorëzuar të grurit dorëzohet në Drejtoritë Komunale për Bujqësi në Komunat përkatëse deri më 02 shtator 2022 në ora 16:00.

Theksojmë se në kuadër të Programit për Pagesa Direkte për vitin 2022 kanë aplikuar 28,834 fermerë, ndërsa ju njoftojmë se Agjencia për Zhvillimin e Bujqësisë po vazhdon shtypjen e vendimeve, proces ky të cilin do ta realizojnë deri në përfundimin e pagesave për të gjithë përfituesit”./Gazeta Infokus/

 

 

Subscribe në YouTube: GAZETA INFOKUSI
Po, Po 31 Vetura Dacia Logan shpërblim për konsumator nga ETC
-Advertisement-

Të tjera

Fokusi

lajme