Lajme

Ky shtet do të nisë tërheqjen e trupave paqeruajtëse nga Kosova

Autori: Gazeta inFokus 20:17 | 03 August 2022

Ukraina do të nisë tërheqjen e trupave paqeruajtëse nga misioni i NATO-s në Kosovë. Këtë e konfirmoi një zyrtar i KFOR-it.

Ukraina aktualisht ka rreth 40 paqeruajtës në Kosovë, si pjesë e misionit të KFOR-it.

Presidenti i Ukrainës, Volodymyr Zelensky, në mars pati nënshkruar urdhrin që të gjitha misionet të kthehen në shtëpi për të ndihmuar në luftën kundër Rusisë.

-Advertisement-

“Mund ta konfirmojmë këtë njoftim. Kjo është në përputhje me dekretin e Presidentit Zelensky të lëshuar në mars, pas pushtimit rus të Ukrainës. Falenderojmë trupat ukrainase për kontributin e tyre të rëndësishëm në misionin e KFOR-it të udhëhequr nga NATO gjatë shumë viteve

Ukraina ka qenë një kontribues i vlefshëm në misionin tonë paqeruajtës që nga themelimi i KFOR-t në vitin 1999. Ne mirëpresim kontributet e kahershme të vendit në përpjekjet tona të përditshme në mbështetje të të gjitha komuniteteve që jetojnë në Kosovë dhe në konsolidimin e stabilitetit në të gjithë rajonin e Ballkanit Perëndimor”, tha zyrtari i KFOR-it.

Megjithatë, se a ndikon kjo në misionin e KFOR-it, ky zyrtar i ka thënë Gazetës Express se misioni i KFOR-it i drejtuar nga NATO mbetet i përgatitur për të përmbushur rolin e tij dhe për të kryer mandatin e tij të OKB-së.

Subscribe në YouTube: GAZETA INFOKUSI