Për nder të 111 vjetorit të pavarësisë së Shqipërisë, ditëlindjes së komandantit legjendar Adem Jasharit e daljes së parë publike të Ushtrisë Çlirimtare të Kosovës, Gazeta Infokus ju sjell një program të jashtëzakonshëm me personazhe e rrëfime të ndryshme që i kontribuuan kësaj periudhe e jo vetëm.

Infokusi nisë transmetimin e edicionit të parë të emisionit “Klubi i Rrëfimeve” me Hateme Smajlin i cili sjell rrëfimet rrëqethëse e të padëgjuara më parë të 5 personazheve të cilët historinë e tyre e rrëfejnë për herë të parë në një mënyrë krejtësisht ndryshe. Anton Quni, ish-komandanti UÇK-së në batalionin e Koshares, rrëfimi i nënës Ajshë, nënës së Mentor Gashit, dëshmorit 20 vjeçar, i rënë në ditën e çlirimit të Malishevës, ish ushtari i UÇK-së, Hysen Gashi i cili i mbijetoi 35 plagëve nga lufta si dhe Lule Telaku, autore e librit të rrëfimeve të nënave që humbën fëmijët në luftë.

Emisioni “Zgjohu” me Era Berisha, në këtë edicion special sjell rrëfime, emocion, argëtim, muzikë, e storie motivuese me mysafirë tejet të veçantë.

Ridvan Tahiri, ish luftëtari i UÇK-së, Pro Band dhe Ganimete Abazi, infermierja që ndihmoi civilë e ushtarë gjatë luftës së fundit në Kosovë, si dhe Alesia Krasniqi apo e njohur ndryshe si Malësorja e Deçanit për herë të parë sjell këngën më të re të realizuar për Infokusin, kushtuar heroit më të ri të Kosovës, Afrim Bunjaku.

Emisioni tjetër, prodhim i Gazetës Infokus, “Doktor Plus” me Elvira Haxhiun sjell në një intervistë speciale pas shumë vitesh, figurën e shquar të historisë së Kosovës, pediatren dhe ish deputeten, Flora Brovina. Zonja Brovina e cila ka fituar disa çmime e njohur në botë si humanistja që dha kontribut të jashtëzakonshëm në luftë dhe pas luftës.

Si asnjëherë më parë ajo rrëfen periudhën më të rëndë për Kosovën, burgosjen e saj e kontributin e dhënë për fëmijët e lënduar, nënat shtatzëna e gratë e dhunuara në luftë.

Infokus përveç edicioneve speciale të emisioneve sjell edhe Storie të ndryshme si nga terreni ashtu edhe në studio. Storie këto që ngërthejnë në vete histori  të pathëna nga lufta.

Ish luftëtari i UÇK-së, Arben Rashkaj sjell rrëfimin emocionues e rrëqethës se si humbi këmbën në luftë kundër armikut.

Po ashtu katër storie që sjellin historikun se si erdhi deri tek shpallja e pavarësisë së Shqipërisë, historia e komandantit legjendar Ademit dhe familjes së Jasharëve e shumëçka tjetër.

Na ndiqni nga ora 07:00 deri në orën 00:00, me super rrëfime e storie të jashtëzakonshme, në rrjetet tona sociale, në kanalin e YOUTUBE, në faqet e facebook, Infokus Plus, Infokus dhe Gazeta Infokus.

Si dhe në faqen në Tik Tok dhe në Instagram.

Diplomon gjenerata e dytë e studentëve UNIK të UNI-të me diploma të fuqizuara nga Arizona State University

Sponsoruar