Lajme

Ky është numri i letrave ngjitëse të vendosura për dy ditë në kufirin Kosovë-Serbi

Autori: Leoreta Abazi 16:13 | 06 October 2021

Për trembëdhjetë ditë radhazi rruga drejtë pikave kufitare në Jarinjë dhe Bërnjak ka qenë e bllokuar nga banorët serbë, si pasojë e kundërshtimit të vendimit për reciprocitetin me Serbinë në targat.

Me 30 shtator, Kosova dhe Serbia kanë nënshkruar marrëveshjen në Bruksel që shoferët e të dyja shteteve të vendosin letra ngjitëse në targat e automjeteve që kalojnë kë territorin e njëra-tjetrës.

Me këto letra ngjitëse, shoferët mbulojnë simbolet e shteteve përkatëse.

-Advertisement-

Ministria e Punëve të Brendshme për Gazetën Infokus ka treguar se marrëveshja e nënshkruar në Bruksel është duke u zbatuar pasi sipas tyre është rritur kërkesa për letrat ngjitëse.

“Reciprociteti me Serbinë është duke u zbatuar, vërehet se në Qendrat e Regjistrimit të Automjeteve janë rritur kërkesat për letra ngjitëse sidomos në komunat e Veriut”, kamë thënë për Infokus.

Nga kjo ministri kanë bërë të ditur se vetëm të hënën dhe të martën nga Qendrat për Regjistrimin e Automjeteve janë dhënë 551 letra ngjitëse.

“Nga data 04.10.2021 deri dje në mesditë vetëm nga Qendrat për Regjistrimin e Automjeteve janë dhënë 551 letra ngjitëse”, kanë thënë nga MPB për Gazetën Infokus.

Gazeta Infokus ka dërguar pyetje edhe në adresën e Policisë së Kosovës për të parë se sa letra ngjitëse janë dhënë në pikat kufitare, por deri në publikimin e lajmit nuk ka marr përgjigje nga ta. /Gazeta Infokus/

Subscribe në YouTube: GAZETA INFOKUSI