Ky është karremi i Serbisë për Kosovën! Zbulohet plani me rusët në veri
Autori: H. Smajli 10:00 | 27 September 2021
Janë bërë tetë ditë prej kur në veri të Kosovës nisi të zbatohej vendimi për reciprocitetin në targa. E që nga ajo ditë situata në këtë pjesë të vendit është tensionuar dhe në kufijtë në Jarinje e në Bërnjak njësi të shumtë speciale të policisë po vëzhgojnë gjendjen.
Qytetarë serbë nga ana tjetër kanë bllokuar këtë rrugë më kamionë dhe ende nuk është liruar, madje javën e kaluar në mesin e protestuesve u raportua edhe për prezencës e disa shtetasve rusë.
Në një intervistë për Gazetën Infokus, njohësi i çështjeve të Sigurisë, Bedri Elezi ka thënë se prezenca e këtyre shtetasve në mesin e protestuesve serbë është vetëm një karrem për të larguar vëmendjen e institucioneve të sigurisë në Kosovë nga pistat e zbulimeve.
“Sa i përket prezencës së shtetasve rusë të cilët janë parë duke zhvilluar aktiviteteve të dyshimta, mendoj se këto veprime janë vetëm karrem për të shpërqendruar vëmendjen e mediave apo edhe institucioneve të tjera të sigurisë të cilat merren me zbulim. Personat e apostrofuar së fundi në media si pjesëtar të inteligjencës ruse, janë të njohur për institucionet e sigurisë të NATO-së dhe Kosovës. Këta persona kanë detyra gravituese të cilët përpiqen mundohen të devijojnë pistat e zbulimeve”, ka thënë ai.
Derisa sipas tij një rrezik më serioz për vendin paraqet prezenca e agjentëve rusë në Kosovë të cilët veprojnë në vend që nga viti 2020 dhe mund të kenë edhe qasje në informacione të klasifikuara.
“Për mendimin tim rrezik serioz paraqesin agjentët rus të cilët veprojnë në Kosovë përmes organizatave të huaja ndërkombëtare, si janë UNMIK-u, KFOR-i, OSCE, Zyrtarë të Zyrë së Ruse në Kosovë, OJQ të ndryshme si dhe biznese të cilat veprojnë në Kosovë që nga viti 2000, e të cilët mund eventualisht të kenë qasje në informacione të klasifikuara”, ka thënë Elezi.
Njohësi i sigurisë thekson se brishtësia momentale e situatës në veri lë shumë për të dëshiruar.
“Situata e sigurisë në veriun e Kosovës ne mendojmë se për momentin është balancuar, por brishtësia e sajë të lenë për të dëshiruar, mendoj se policia e Kosovës duhet të veprojë në mënyrë profesionale dhe asnjëherë të mos ndikohet nga planet e shërbimeve sekrete serbe apo ruse, kështu duke krijuar situata provokative të cilat mund të eskalojnë”, përfundon ai.
Të premten situata në vëri të Kosovës eskaloi pasi qytetarë serbë dogjën Qendrën e Regjistrimit të Automjeteve e cila gjendet në objektin e Komunës së Zubin Potokut, ndërsa është tentuar të digjet edhe qendra e njëjtë në Komunën e Zveçanit.
Kryeministri i Kosovës, Albin Kurti këtë e quajti si akt me elemente terroriste dhe shtoi se sulme të tilla nuk do të tolerohen.
Po ashtu Kurti tha se këto grupe kriminale qartazi po nxiten nga Serbia.
“Qartazi ata po i nxit e mbështet Serbia, përkatësisht regjimi autokrat atje. Fatkeqësisht, para syve të bashkësisë ndërkombëtare, Serbia po përdorë qytetarë të Kosovës për të provokuar konflikt serioz ndërkombëtar. Sulmet e këtilla zjarrvënëse dhe kriminelët që i bëjnë ato nuk do të tolerohen. Policia e Kosovës është institucion profesional që duhet respektuar nga të gjithë. U bëj thirrje qytetarëve, sidomos në veri të Ibrit, pavarësisht a janë serbë, shqiptarë, boshnjakë apo romë, që ta ruajnë qetësinë dhe të bashkëpunojnë me institucionet e Kosovës”, ka shkruar kryeministri.
Edhe sot pas tetë ditësh situata në veri vazhdon të jetë e njëjtë dhe rrugët kanë mbetur të bllokuara derisa është raportuar për largimin e vetëm dy kamionëve nga kjo rrugë./Gazeta Infokus/
Të tjera
-
Ngjarjet e datës 27 prill
Organizuar nga Zyra e Kryeministrit të Kosovës, Komisioni Qeveritar për Perso...
-
Ministria e Jashtme gjermane tregon për takimin me Kurtin
Zyra gjermane për Punët e Jashtme ka komentuar takimin që ka pasur ministrja ...
-
Osmani nesër me nderime te Memoriali për të Pagjeturit dhe për homazhe në Mejë
Presidentja e vendit, Vjosa Osmani, nesër do të bëjë nderime te Memoriali për...
-
Gjiganti zviceran “Lika Group” synon ta zbukurojë Prishtinën
Klanin mund ta kenë inspirim, që në Kosovë të fillojnë një ndërtim. Kompan...
-
Tërmeti me magnitudë 5.8 ballë godet Tajvanin
Një tërmet me magnitudë 5.8 ballë ka goditur Tajvanin. Tërmeti u regjistrua m...
-
Blinken: Kemi parë prova të përpjekjes së Kinës për të ndikuar në zgjedhjet e SHBA
Sekretari amerikan i Shtetit Antony Blinken tha se SHBA ka parë prova të përp...
-
Kurti: Kur vendet autoritare po kërcënojnë me largim, Kosova me meritë kërkon anëtarësimin në KiE
Kryeministri i Kosovës, Albin Kurti nëpërmjet rrjetit social Facebook, ka fol...
-
Ndërron jetë Bojan Tonçiq, gazetari serb që kundërshtoi Millosheviqin për luftën e Kosovës
Në moshën 57 vjeçare ka ndërruar jetë gazetari serb Bojan Tonçiq. Tonçiq d...
-
Abdixhiku në Hamburg këtë fundjavë, paralajmëron dy tubime
Kryetari I LDK-së, Lumir Abdixiku ka njoftuar për agjendën që do ta ketë gjat...
-
Sandulloviq-Hillit: “Duhet t’ju vijë turp nga vetja”
Politikani serb, Nikolla Sandulloviq, e ka postuar një fotografi në platformë...
-
Mbahet ceremonia e lidhjes me internet të shkollës së 100-të në Republikën e Kosovës
Ministria e Ekonomisë, përmes Projektit të Kosovës për Ekonomi Digjitale (KOD...
-
Departamenti amerikan i Shtetit demanton dyshimet e ngritura ndaj Escobarit
Pretendimi i ngritur nga Vudi [Vedat] Xhymshiti se Zëvendës Ndihmës Sekretari...