Kuvendi të hënën voton për anëtare të KPM-së kandidaten nga fusha e arsimit që nuk parashikohet me ligj
Autori: Gazeta inFokus 21:56 | 05 June 2022
Kuvendi i Kosovës të hënën do të votojë për anëtare të Komisionit të Pavarur të Medias në mes të dy kandidateve e që njëra prej tyre i përket fushës së arsimit, çka është në kundërshtim me ligjin e KPM-së për zgjedhjen e anëtareve të këtij institucioni.
Violeta Hyseni – Kelmendi, gazetare e BBC-së dhe jo vetëm, e po ashtu edhe anëtare e Komisionit të Pavarur të Medias për katër vite, është zgjedhur nga komisioni parlamentar ad-hoc, së bashku me Teuta Hoxha – Morina, mësimdhënëse e Gjuhës dhe Leterësisë Shqipe në Shkollën e Mesme të Lartë, Xhavit Ahmeti në Gjilan.
Komisioni ad-hoc, zgjodhi kandidatën e fundit, Teuta Hoxha – Morina nga fusha e arsimit, ani pse në bazë të ligjit per përzgjedhjen e anëtareve të KPM-së, nuk theksohet madje nuk është fare pjese e ligjit kjo fushë.
Kjo sipas ligjit Nr. 04/L-44 për komisionin e pavarur të mediave, nenit 10 paragrafit 2, ku thuhet se, anëtarët e KPM-së duhet të jenë personalitete të dalluara të fushave të ndryshme si kultura, arti, gazetaria drejtësia, kinematorafia por jo edhe nga fusha e arsimit.
“Anëtarët e KPM-së duhet të jenë personalitete të dalluara të fushave të ndryshme si: kultura, arti, drejtësia, kinematografia, gazetaria, biznesi, menaxhmenti, marrëdhënie me publikun, marrëdhënie ndërkombëtare, media dhe teknologjia informative”, thuhet konkretisht në ligjin për zgjedhjen e antëtarëve të KPM-së.
Por si duket kjo nuk e ka penguar komisionin ad-hoc që të dërgojë në Kuvend për votim edhe një emër nga fusha a arsimit, duke qenë se kjo nuk parashikohet në ligj.
Gazeta Infokus nga burime të saj mëson se pjesë e këtij komisioni ku janë zgjedhur këta dy emra, njëri kundër ligjit, kanë qenë këta deputetë:
Kryetare e Komisionit: Ariana Musliu – Shoshi, nënkryetar i parë: Besim Muzaqi dhe nënkryetare e dytë nga Grupi Multietnik, Finda Jilta
Anëtarë nga LVV-ja: Valon Ramadani, Nijazi Isaku, Fitim Haziri..
Ndërsa anëtarë të këtij komisioni nga partitë e tjera: Ganimete Musliu nga PDK-ja, Agim Veliu nga LDK-ja dhe Albana Bytyqi nga AAK-ja.
Pra ky ishte komisioni që intervistoj dhe me shumicë votash, nxori për votim të hënën në Kuvendin e Kosovës, Violeta Hyseni – Kelmendi dhe Teuta Hoxha – Morina./Gazeta Infokus/
Të tjera
-
Kurti takohet me deputetë gjermanë në Berlin, flasin për aplikimin e Kosovës në KiE
Në ditën e dytë të qëndrimit të tij në kryeqytetin e Gjermanisë, Kryeministri...
-
FSK zgjedh ushtarin më të mirë për vitin 2024
Forca e Sigurisë së Kosovës ka mbajtur sot ceremoninë e garës ndërkombëtare “...
-
Pas dyshimeve për keqpërdorim, konstituohet komisioni hetimor për subvencionimin e teksteve shkollore
Komisioni hetimor parlamentar për procesin e subvencionimit të teksteve shkol...
-
Projektligji për KPM-në, Deirdre Kevin: Ligjet janë në përputhje me standardet evropiane
Projektligji për Komisionin e Pavarur për Media, u diskutua sërish në Komisio...
-
Dhëndrri dyshohet se tentoi të vr*së ish vjehrrin, policia jep detaje për rastin në Dragash
Policia e Kosovës ka njoftuar se një burrë dyshohet se ka tentuar të vrasë nj...
-
“Nuk do ta shesim TikTok-un”, reagon pronari kinez në SHBA pas miratimit të ligjit që ndalon rrjetin social
Kompania mëmë kineze e TikTok, ByteDance, thotë se nuk ka ndërmend ta shesë b...
-
Blinken: Rusia pa ndihmën e Kinës nuk do arrinte të vazhdonte pushtimin e saj në Ukrainë
Rusia do të kishte vështirësi për të vazhduar pushtimin e saj në Ukrainë pa n...
-
Rama takon Jasharin, diskutojnë për shtatoren e Adem Jasharit
Kryetari i Komunës së Prishtinës, Përparim Rama, ka pritur në takim Bekim Jas...
-
Osmani për donacionin në QKUK: Rikthim i dinjitetit për pacientët
Klinika e Mjekësisë Bërthamore në Qendrën Klinike Universitare të Kosovës ësh...
-
Regjistrimi i popullësisë: Komuniteti boshnjak në Kosovë shfaq drojën se numri i tij mund të zvogëlohet
Komuniteti boshnjak në Kosovë shfaq drojën se numri i tij mund të zvogëlohet,...
-
Lṷfta e fundit në Kosovë: Rreth 22 miliardë euro dëme materiale
Institucioni i Avokatit të Popullit po mban një tryezë diskutimi me rastin e ...
-
“Termokos” përmbyll sezonin e ngrohjes
Ndërmarrja “Termokos”, ka përmbyllur sezonin e ngrohjes për vitin 2023-2024. ...