Kush tjetër duhet të shkarkohet për vrasjen e Hamide Magashit në QKUK?
Autori: Gazeta inFokus 21:14 | 04 December 2022
Prokuroria Themelore në Prishtinë nuk ka treguar nëse ka nisur hetimet ndaj 4 zyrtarëve policorë të suspenduar një ditë më parë, të implikuar në rastin e vrasjes së 35 vjeçares shtatzënë, në oborrin e QKUK.
Nga prokuroria, nuk kanë kthyer përgjigje për këtë çështje. Njëjtë vepruan edhe për dilemën nëse kanë pranuar ndonjë raport nga Inspektorati Policor i Kosovës, për të gjeturat që çuan në suspendimin e zyrtarëve policorë të stacionit në Lipjan.
Komandanti i Stacionit Policor në Lipjan, Naser Sinani, një rreshter dhe dy hetues policorë sipas IPK-së, po dyshohen për keqpërdorim të detyrës zyrtare dhe falsifikim të dokumentit, që ka të bëjë me urdhër mbrojtjen e Hamide Magashit, e vrarë nga ish-burri i saj.
Në mesin e policëve të suspenduar është edhe vëllai i kryetarit të komunës së Lipjanit, Imri Ahmeti, i cili nuk ka qenë i qasshëm gjatë ditës.
Përgjigje nuk kanë kthyer as nga IPK-ja, nëse ka zyrtarë policor të tjerë që janë duke u hetuar, për këtë rast.
Avokati Florim Shefqeti, thotë se institucionet duhet të japin detaje të mëtutjeshme sa i përket këtij rasti, për shkak se sipas tij ende ka gjëra që nuk janë sqaruar plotësisht.
“Secili person duhet të përballet me përgjegjësinë e tij, por në rastin konkret paraprake është fakti nëse policia kishte detyrim ta mbikëqyrte personin përmes vendimit të Gjykatës, duke qenë se përmes mbikëqyrjes elektronike nuk ka mekanizma zbatues”, ka thënë avokati Florim Shefqeti.
Shefqeti tutje shton se në sistemin e drejtësisë, duhet të nisë së zbatuari masa e mbikëqyrjes elektronike, sidomos në rastet e dhunës në familje.
“Ajo që është e fundit edhe ne disa herë në praktike kemi kërkuar nga Gjykatat, por nuk është aplikuar e që është rekomandim për MD, është për Akademinë e Drejtësisë, për Gjykatat e Prokurorinë, për avokatë që të kërkohet dhe shqiptohet kjo masë e mbikëqyrjes elektronike sepse edhe kursen buxhetin dhe është jashtëzakonisht efikase, sidomos në rastet e dhunës në familje”, shtoi ai.
Gjatë së dielës, ministrja e Drejtësisë, Albulena Haxhiu ka qëndruar në vizitë tek familja e 35 vjeçares, nga ku tha se do të punojnë për zbardhjen e plotë të rastit.
Hamide Magashi, një ditë para se të lindte, u vra nga bashkëshorti i saj, Sokol Halili, i cili vrau edhe veten. (Rtv Dukagjini)
Të tjera
-
“Shkoni hapeni Urën pa KFOR-in”: Ramadani reagon pas sulmeve që Feraj i Kurtit i bëri Haradinajt
Hysamedin Feraj, i njohur për logjikë të pervertuar në komentimin e ngjarjeve...
-
Bien temperaturat, parashikimi i motit për javën e ardhshme
Në Kosovë për pesë ditët e ardhshme do të mbajë mot me diell, vranësira të sh...
-
Sulmòhet një polic brenda stacionit policor Jugu në Prishtinë
Rastet kur zyrtarët policorë ballafaqohen me kanosje serioze dhe sulme fizike...
-
Bastisja e FBI-së, Melania Trump akuzon qeverinë amerikane për shkelje të privatësisë
Ish-zonja e parë Melania Trump të shtunën akuzoi qeverinë amerikane për shkel...
-
Këshilltari i Kurtit sulmon rëndë Haradinajn: Ndoshta i jep tokë Serbisë si Malit të Zi
Hysamedin Feraj, këshilltar i Kryeministrit të Kosovës, Albin Kurtit, ka prov...
-
Kryetarja e Komisionit Evropian më 19 shtator takon liderët e Ballkanit Perëndimor
Presidentja e Komisionit Evropian, Ursula von der Leyen ka ftuar për këtë të ...
-
Rama ka një njoftim për të gjithë investitorët
Kryetari i Prishtinës, Përparim Rama ka një njoftim për të gjithë investitorë...
-
Tahiri: Sovraniteti në veri nuk ekziston, Kurti me vetëbesim bosh për hapjen e Urës së Ibrit
Ish-kryenegociatorja, Edita Tahiri nuk pret vazhdim të dialogut deri pas zgje...
-
BE analizon agjendën e reformave të vendeve të Ballkanit para pagesave të para, mbi 800 milionë euro në pyetje për Kosovën
Presidentja e Komisionit Evropian, Ursula von der Leyen, e cila është zgjedhu...
-
Një paralele e klasës së dytë nga shkolla “Dardania“ bojkoton mësimin, shkak orari i nxënësve
Nxënësit e shkollës fillore të mesme të ulët (SHFMU), Dardania në Prishtinë, ...
-
“Qëllimi jonë është Islamizimi i Kosovës e Preshevës, unë nuk jam shqiptar”, deklarata kontroverse e hoxhës nga Sanxhaku ishte bërë para gjashtë vitesh
Mevludin Dudiq, një hoxhe nga Sanxhaku, iu janë kthyer në vëmendje disa dekla...
-
Gjuajti me aŕmë derisa ishte në aheng, arrestohet krushiani
Një person është arrestuar në Krushë të Vogël të Prizrenit dje më 14 shtator,...