Lajme

Kush është ish-deputeti i LDK-së, i akuzuar për keqpërdorim të votave?

Autori: Gazeta inFokus 16:17 | 29 December 2022

Prokuroria Speciale njoftoi të enjten se ka ngritur aktakuzë ndaj ish-deputetit të LDK-së, Shkumbin Gashi dhe shtatë personave të tjerë, lidhur me zgjedhjet e jashtëzakonshme parlamentare të 14 shkurtit të 2021-s.

Shtatë prej tyre akuzohen për ‘keqpërdorim i të drejtës së votimit’ dhe ‘vjedhje e identitetit dhe pajisja e qasjes’, kurse një person akuzohet për ‘kanosje’.

Sipas kumtesës së Prokurorisë, të pandehurit akuzohen se gjatë zgjedhjeve të datë 14 shkurt 2021, kanë keqpërdorur të drejtën e votimit duke votuar në emër të qytetarëve të cilët jetojnë në Austri, duke keqpërdorur sistemin e votimit me postë.

-Advertisement-

Prokuroria bëri të ditur se hetimet kanë zbuluar se të pandehurit kanë keqpërdorur kopjet e letërnjoftimeve dhe të drejtën e votës për 71 qytetarë të cilët jetojnë në Austri, duke votuar në emër të tyre në procesin zgjedhor.

Por, kush është ish-deputeti Gashi?

Të enjten është ngritur aktakuza ndaj ish-ligjvënësit të Kuvendit. Shkumbin Gashi, pavarësisht qëllimeve që ta rrisë numrin e votave jashtëligjshëm, nuk arriti ulëse në Kuvendin e Kosovës.

Gashi, i cili vjen nga Komuna e Pejës, ishte zgjedhur deputet i Kuvendit më 2019. Ai kishte garuar në radhët e LDK-së.

Atëkohë, Gashi kishte arkëtuar mbi shtatë mijë vota. Në anën tjetër, pas dy viteve, ai nuk e arriti një gjë të tillë.

Përkundrazi, përmes dyshimeve për keqpërdorim të votave, ai tentoi që të marrë një ulëse në Parlament.

Sipas KQZ-së, në zgjedhjet e parakoshme parlamentare të 2021, Gashi kishte marrë shtatë mijë e 259 vota, por që qenë të pamjaftueshme që të ulet në Kuvendin e Kosovës.

Ai garoi me numrin 32 në listën e LDK-së. I kishte falënderuar të gjithë votuesit nga Komuna e Pejës.

“Falenderim i veçantë për secilin nga 3804 votuesit e Komunës së Pejës të cilët më bësuan dhe me votë me obliguan të vazhdojmë tutje sëbashku në sfida të reja”, kishte shkruar ai më 16 janar të 2021-s, dy ditë pas mbajtjes së zgjedhjeve.

Rrjedhimisht, ai mbeti jashtë parlamentit. Dhe pas më shumë se një viti, atij iu ngrit aktakuza, pikërisht për keqpërdorim të votave. Paparaci

Subscribe në YouTube: GAZETA INFOKUSI
Risi në foleja.com! Prej 49.99€ bleni dyshekët Nouve Blanc dhe përfitoni transportin falas me DHL
-Advertisement-

Të tjera

Fokusi

lajme