Lajme

Kush do të jetë kundërkandidat i Abdixhikut në zgjedhjet e LDK-së, flet Lushaku

Autori: Gazeta inFokus 23:39 | 25 May 2023

Anëtarja e kryesisë së LDK-së, Jehona Lushaku Sadriu, ka thënë në emisionin DPT te Fidani në T7 se zgjedhjet e reja brenda këtij subjekti do të jenë një garë e hapur.

Lushaku Sadriu i është përgjigjur pyetjes se kush do të garojë në këto zgjedhje. Ajo ka thënë se LDK është një parti demokratike dhe se në të kaluarën, kundërkandidatët kanë qenë pjesë e një lidershipi më vonë.

“Jo por nuk është se kemi ndonjë indikacion por gara është e hapur gjithsesi. Ne jemi një parti demokratike dhe në të kaluarën kemi pasur kundërkandidatë që më pas kanë qenë në të njëjtën lidership”, ka thënë ajo.

-Advertisement-

Tutje ajo ka shtuar se dy vitet e fundit kanë qenë matës i mirë i asaj se çfarë mund të ofrojë kryetari aktual, Lumir Abdixhiku.

“Dy vitet e kaluara kanë qenë indikacion matës i Abdixhikut në partinë tonë. Dhe mund të dimë se cilat suksese mund t’i atribojmë atij”, përfundoi ajo. /Gazeta Express/

Subscribe në YouTube: GAZETA INFOKUSI