Lajme

Kusari-Lila në Hagë, thotë se vizitoi Rexhep Selimin dhe “bashkëluftëtarët” e tij

Autori: Gazeta inFokus 16:23 | 03 December 2022

Shefja e Grupit Parlamentar të Vetëvendosjes, Mimoza Kusari-Lila, iu ka shkuar për vizitë ish-krerëve të UÇK-së, të cilët po mbahen në paraburgim në Hagë.

Ajo tha se te ata ka parë unitet dhe besim të palëkundur, derisa shtoi se përshendetja mes tyre ishte “shihemi në Kosovë”.

Mirëpo, Kusari-Lila nuk ua ka përmendur emrin Hashim Thaçit, Kadri Veselit e Jakup Krasniqit, por atyre iu referuar si “bashkëluftëtarët e Rexhës”.

-Advertisement-

“Sot vizitova mikun dhe bashkëpunëtorin tim Rexhep Selimi në Hagë i cili padrejtësisht po mbahen atje bashkë me krerët tjerë të UÇK-së. Gjatë vizitës takova edhe bashkëluftëtarët e Rexhës tek të cilët pashë unitetin, vullnetin dhe besimin e palëkundur që nga kjo sfidë e vendit tonë të ri, të gjithë do të dalin faqebardhë! Sa e rëndësishme aq edhe e ndjeshme është që kjo histori e re e Kosovës të shkruhet ashtu si e meriton që gjeneratat e reja të kuptojnë vlerën e lirisë dhe sakrificës për shtetin tonë. Me Rexhën dhe tjerët u përshëndetëm me fjalët, shihemi në Kosovë!”, ka shkruar Kusari-Lila.

Subscribe në YouTube: GAZETA INFOKUSI