Kurti viziton familjen e dëshmorit në Skënderaj, i tregohen gjurmët e predhave në muret e shtëpisë
Autori: Gazeta inFokus 15:36 | 15 October 2022
Kryeministri Albin Kurti këtë të shtune ka shkuar për vizitë te familja e dëshmorit Rrahmani nga Açareva e Skënderajt.
Ai atje u prit nga nëna e tij dhe familjarët e tjerë, të cilët ia treguan edhe historinë familjare dhe përmes fotografive edhe gjurmët e predhave që kanë rënë mbi shtëpinë e tyre.
Kurti lavdëroi familjen Rrahmani për trimëri gjatë luftës dhe punën në toka që po e bëjnë aktualisht, duke i cilësuar si “familje luftëtarësh të paepur në luftë dhe e punëtorëve të palodhshëm në paqe”.
Postimi i plotë:
Në prag të përvjetorit të çlirimit të Kosovës, më 11 qershor, Ismet Rrahmani nga Açareva e Skënderajt, do t’i mbushte 60 vjet. Ai ra dëshmor te “Zabeli i Mustafës” afër lumit të Klinës, më 27 gusht 1998. Sot bëra nderime te varri i tij, para se ta vizitoj familjen e tij dhe kullën e ndërtuar afër vendit ku është vrarë Ismeti, bashkëluftëtar i dëshmorit Bekim Berisha – Abeja. Në oborrin e kullës ishin mbjellur 36 pisha, aq vjet sa kishte Ismeti kur ra dëshmor, ndërkaq kulla ishte ngritur pranë një lisi 700 vjeçar.
Në shtëpi na priti nëna e dëshmorit, Nëna Cyme, 84 vjeçare. Ismeti kishte qenë arsimtar në shkollën “Rilindja” të Açarevës dhe në shkollën “Kuvendi i Drenicës” në Abri të Ulët. Edhe Nëna Cyme ka qenë dikur mësuese në Ujmir e në Dush të Klinës.
Ismet Rrahmani (11.6.1962 – 27.8.1998) ishte burgosur e torturuar nga Serbia në vjeshtën e vitit 1996, para se të bëhej luftëtar i lirisë. Krahas Ismetit, edhe katër djemtë e tjerë të Nënës Cyme, Sabiti, Ramoshi, Haliti dhe Dastani, i ishin bashkuar luftës çlirimtare. Nuk ka pasur shtëpi në Açarevë që s’e ka pasur së paku një ushtar të UÇK-së. Nga ky fshat vijnë dy gjeneralët Rexhep e Sylejman Selimi.
Vëllau i vogël i dëshmorit, Dastani, me mall e krenari, na e shpjegonte secilën foto në muret e kullës dhe secilën gjurmë predhe në muret e shtëpisë.
Vëllau i madh i dëshmorit, Ramoshi, me gruan e tij, Veziren, dhe djalin e tij Arbonin, po e punonin tokën: 20 hektarë (shumica të marra me qira) i mbjellin me grurë e misër, 40 ari me lakër; dhe, i kanë edhe 20 koshere me bletë dhe 20 krerë lopë.
Familje luftëtarësh të paepur në luftë dhe e punëtorëve të palodhshëm në paqe.
Të tjera
-
Kurti e Konjufca drekojnë me miqtë e Kosovës: Walker-in, Begaj-n, Mesiq-in e Robertson-in
Kryeministri Albin Kurti, bashkë me kryetarin e Kuvendit, Glauk Konjufca, kan...
-
Haliti: Ibrahim Rugova ka kërkuar azil në Gjermani, thoshin se UÇK-ja do ta vra së nëse vjen në Kosovë
Deputeti i PDK-së dhe një nga figurat kryesore gjatë viteve ’90, Xhavit Halit...
-
Të shtunën në Klinë bëhet zbulimi i lapidarit të heronjve Prënademi
Të shtunën, më 15 qershor, në Dollc të Klinës do të bëhet përurimi i lapidari...
-
Rohde, qeverisë pas reagimit për shpronësimet: Kjo mënyrë e minon edhe më tutje besimin midis komunitetit serb dhe qeverisë kosovare
Ambasadori i Gjermanisë në Kosovë, Jörn Rohde, e ka adresuar reagimin e qever...
-
“Në fund keni me fitu, pasha Zotin e maj ende në tru” – çfarë kishte thënë ambasadori amerikan në Jugosllavi disa vite para luftës në Kosovë
Profesori universitar Milazim Krasniqi tregoi se si nisi ideja e një lëvizje ...
-
Lladrovci vlerëson lartë gazetarët e luftës çlirimtare: Kosova është e bekuar me miq sikur Ju!
Kryetari i komunës së Drenasit, Ramiz Lladrovci, ka vlerësuar lartë, gazetarë...
-
Stoltenberg: NATO do të mbrojë çdo aleat në rast të një sulmi kundër tyre
Sekretari i Përgjithshëm i NATO-s, Jens Stoltenberg u ka premtuar sërish shte...
-
Vd es njëra nga dy të aksidentuarat me motoçikletë në Drenas
Një vetaksident me motoçikletë ka ndodhur të hënën në fshatin Dobroshec të Dr...
-
Haliti: Qëllimi i LPK-së ka qenë që Kosova t’i bashkohet Shqipërisë, por nuk realizohet gjithçka
Deputeti i PDK-së, Xhavit Haliti, ka thënë se qëllimi i organizatës të cilës ...
-
“Mundohen të inskenojnë një konflikt”, Kastrati tregon rrezikun që i kanoset veriut nga “Brigada e Veriut”
Ish-komandanti i Forcës së Sigurisë së Kosovës (FSK), Kadri Kastrati, ka ngri...
-
Stuhi të mëdha në Serbi, dalin pamjet nga atje
Një stuhi e fortë e shoqëruar me rrebeshe të mëdha dhe bubullima goditi një p...
-
Dëbohet kosovari i cili jetonte në Gjermani nga viti 1989
Përveç që kishte mbajtur burg për tregti droge, babai i divorcuar i katër fëm...