Lajme

Kurti: Unë jam kryeministër i cili nuk kam bërë asnjëherë premtim për heqjen e vizave

Autori: Gazeta inFokus 11:20 | 30 June 2022

Kryeministri i Kosovës Albin Kurti, në seancën e sotme të Kuvendit të Kosovës ka thënë se ai asnjëherë nuk ka dhënë premtim për heqjen e vizave, shkruan Gazeta Infokus.

I pari i ekzekutivit ka thënë se në të kalurën ka pasur raste kur është thënë se heqja e vizave do të ndodhë për 12 ose 15 muaj.

“Unë jam kryeministër i cili nuk kam bërë asnjëherë premtim për heqjen e vizave. Kemi pasur raste kur në të kaluarën kanë thënë se do të ndodh për 12 muaj, 15 muaj. Mua asnjëherë nuk më keni dëgjuar ashtu”, tha Kurti.

Gjithashtu, ai tha heqja e vizave për Kosovën nuk po ndodh për shkak se disa vende nga Bashkimi Evropian po hezitojnë.

“Muajin e ardhshëm bëhen katër vjet kur Komisioni Evropian ka rekomanduar heqjen e vizave. Por, ka vende që ende hezitojnë dhe rezistojnë. Ka edhe deklarata që nuk janë në linjë as me vet Brukselin, por më shumë s’kemi çka të bëjmë”, ka thënë kryeministri Kurti./Gazeta Infokus/

Të tjera