Lajme

Kurti takohet me Lajçakun në Athinë: Kryeministri kërkon me ngulm njohjen nga Serbia

Autori: Gazeta inFokus 17:04 | 08 April 2022

Kryeministri i Kosovës, Albin Kurti, e ka takuar Përfaqësuesin Special të BE-së për dialogun Kosovë-Serbi, Miroslav Lajçak, në kuadër të Forumit Ekonomik të Delfit që po mbahet në Athinë të Greqisë.

Një gjë të tillë e kanë bërë të ditur nga Zyra e Kryeministrit me anë të një komunikate për media, duke njoftuar se ndër të tjera, i pari i ekzekutivit kosovar, ka kërkuar që nga dialogu të dalë edhe njohja reciproke mes Kosovës dhe Serbisë, shkruan Lajmi.net.

“Në takim u bisedua për mbarëvajtjen e procesit të dialogut ndërmjet Kosovës dhe Serbisë, si dhe hapat e ardhshëm në këtë proces. Kryeministri theksoi se Qeveria e Republikës së Kosovës është e angazhuar për dialog parimor e të balancuar. Ai ritheksoi se nga ky dialog duhet të përfitojnë qytetarët e të dyja vendeve, nëpërmjet një marrëveshjeje të qëndrueshme dhe të zbatueshme, që në qendër ka njohjen reciproke”, bëhet e ditur në komunikatë.
Po ashtu, nga Zyra e Kryeministrit bëhet e ditur se afati i fundit për arritjen e një marrëveshje gjithëpërfshirëse për çështjen e targave mes palës kosovare dhe asaj serbe është pas dy javësh.
Më tej, njoftohet se u diskutua edhe për agresionin ushtarak rus në Ukrainë. /Lajmi.net/

-Advertisement-

Subscribe në YouTube: GAZETA INFOKUSI
UNI-Universum International College rankohet me sukses në Times Higher Education Impact Rankings 2024
-Advertisement-

Të tjera

Fokusi

lajme