Lajme

Kurti takohet me ekipin e FSK-së që fitoi medalje të argjendtë në garën “Cambrian Patrol 22”

Autori: Gazeta inFokus 15:04 | 17 October 2022

Kryeministri i vendit, Albin Kurti, ka pritur në takim ekipin e Forcës së Sigurisë së Kosovës që fitoi medalje të argjendtë në garën “Cambrian Patrol 22”.

Në takimin e përbashkët me komandantin e FSK-së, gjenerallejtënant Bashkim Jashari, Albin Kurti i përgëzoi ushtarët për suksesin e arritur në një garë kaq të fortë.

“Gjenerallejtënant Bashkim Jashari dhe udhëheqësi i ekipit tonë, Toger Diar Statovci, e njoftuan Kryeministrin Kurti për performancën e jashtëzakonshme të pjesëtarëve të Forcës së Sigurisë së Kosovës, gjatë stërvitjes 48-orëshe, në Britani të Madhe, së bashku me 80 ekipe britanike dhe 27 ekipe të shteteve tjera ndërkombëtare, mes tyre edhe forca speciale”.

-Advertisement-

“U theksua se performanca në këtë garë është dëshmi shtesë për nivelin e lartë të përgatitjes profesionale të FSK-së, si dhe demonstrim i përkushtimit dhe standardeve të larta që FSK-ja ka përmbushur”.