Lajme

Kurti për kërkesën e ShBA-së: Shtyrja 10-mujore s’mund të jetë shtyrje, jemi në të drejtën tonë

Autori: Gazeta inFokus 14:54 | 03 November 2022

Kryeministri i Kosovës, Albin Kurti pas samitit të Berlinit, ka folur para mediave edhe për çështjen e targave, ku ka thënë se “shtyrja 10 mujore, nuk mund të jetë shtyrje, pasi siç thotë kryeministrit “jemi në të drejtën tonë”.

Me vendimin e marrë, kreu i ekzekutivit tha se kanë dashur të mos cënojnë paqen dhe sigurinë.

“Shtyrja 10 mujore nuk mund të jetë shtyrje. Shtyrja mund të jetë tri, javë një muaj, dy muaj, por në këtë rast nuk kemi bërë shtyrje se jemi në të drejtën tonë. Dëshirojmë edhe të mos bëjmë kompromis sa i përket zbatimit të ligjit të drejtë, e vendimeve të mira qeveritare, por njëkohesisht edhe të mos e cënojme paqen edhe sigurine, dhe këtë e kemi bërë me vendimin që kemi marrë”, tha kryeministri i vendit.

-Advertisement-

Përshkallëzimin e vendimit, Kurti e cilësoi si një rrugë të duhur për të ecur përpara, deri theksoi se vazhdimisht janë në kontakt me ambasadorin e ShBA-së në Kosovë, Jeffrey Hovenier, si dhe drejtëpërdrejtë me Departamentin Amerikan.

“Ka nisur zbatimi prej 1 nëntorit, mirëpo nuk ka nisur nga 1 nëntori me konfiskim të targave, e kemi bërë një lloj qasje të diferencuar dhe një sekuencim në zbatim, që besojmë është rruga më e mirë dhe e duhur përpara. Me ShBA jemi në kontakt vazhdimisht, me ambasadorin Jeffrey Hovenier, por edhe drejtëpërdrejt me Departamentin Amerikan. Nuk ka vendim qe shkakton preokopim të paqes dhe sigurisë. Partnerët tanë në Washington dhe Bruksel e dinë qëndrimin tonë”, tha Kurti.

“Natyrisht nuk do të thotë që pajtohemi çdo herë, kudo, për secilën hollësi, se Qeveria është e një vendi sovran, e kështu na duan edhe ShBA, por ne anen tjetër nuk mund të thuhet që ka pasur kurrfarë shpërfillje të Qeverisë sonë ndaj brengave evropiane”.

Në fund Kurti tha se sa i perket mos-zbatimit të vendimit, “organet e sigurisë merren me thirrjet për mos zbatim të vendimit, pasi është në shpërputhje me rendin dhe ligjin në Kosovë”.

Subscribe në YouTube: GAZETA INFOKUSI