Lajme

Kurti: Nuk largohet Policia nga veriu derisa jashtë komunave ka grupe kriminale

Autori: Gazeta inFokus 13:57 | 02 June 2023

Kryeministri i vendit, Albin Kurti është duke vazhduar diskutimet në Kuvendin e Kosovës lidhur me zhvillimet e fundit në veri.

Kryeministri para deputetëve tha se nuk mund të largohet Policia e Kosovës nga veriu, derisa ka banda kriminale jashtë komunave në Zubin Potok, Leposaviq dhe Zveçan, transmeton Telegrafi.

“Sa i përket komunave të veri të Kosovës, Policia e Republikës së Kosovës është në ndërtesat e komunës për shkak se jashtë ka banda kriminale, unë jam për një situatë normale, ku edhe nëpër komunat në veri nuk ka më shumë policë së komunat tjera, por ka punë që të arrihet ajo”, tha ndër tjera ai.

-Advertisement-

Kryeministri tha se ekstremistët kriminel po gjenden në veri dhe se e vetmja zgjidhje është të largohen ata ose të arrestohen.

“Një herë duhet të largohen për në Serbi ose të arrestohen në Kosovë, ata ekstreminist kriminel, të strukturave ilegale, pra duhet njëherë të largohen ose të burgosen e vetëm më pastaj ne mund ta konsiderojmë zvogëlimin e policëve nëpër komuna, kjo është e rëndësishme. E dyta, kam theksuar në disa intervista që po të ishte proteste paqësore e qytetarëve që duan zgjedhje të parakohshme se legjitimiteti na paska qenë i ulët në këto zgjedhje, jo që i kisha dëgju por i kisha mirëkuptu, por protestat me thirrje “vrite, vrite” ku sulmohen ushtarët e NATO-s, Policia dhe gazetarët këtu nuk ka tolerim”, tha ndër tjera ai.

Seanca është duke vazhduar, ndërsa kryeministri Albin Kurti ka dalë nga salla pas përfundimit të fjalimit.

Subscribe në YouTube: GAZETA INFOKUSI
Etiketa:
UNI – Universum International College sërish pjesë e Panairit të Edukimit, vazhdon të ofroj studime me standarde amerikane
-Advertisement-

Të tjera

Fokusi

lajme