Lajme

Kurti ‘non grata’ nga Amerika? Rama: Po qarkullojnë dokumente të pamohuara, është në lojë fati i Kosovës

Autori: Gazeta inFokus 11:54 | 08 June 2023

Kryeministri i Shqipërisë, Edi Rama tha se Kosova është përballë një kërcënimi të madh për shkak të qasjes së kryeministrit Albin Kurti.

Në një konferencë të jashtëzakonshme për media, Rama nuk deshi të komentojë nëse ka informacion ose jo për mundësinë e shpalljes non grata të Kurtit, por tha se në lojë është fati i Kosovës, raporton Gazeta Express.

“Nuk hyj fare në këto. Dhe nuk kanë ndonjë rëndësi të veçantë nëse janë apo nuk janë të vërteta përderisa nuk janë deklarata publike, por janë dokumente që qarkullojnë, të pa konfirmuara po as të pamohuara. Por nuk është fati i Albin Kurtit sot në lojë, është fati i Republikës së Kosovës si e tërë”, tha Rama.

-Advertisement-

“Dhe unë natyrisht dua vetëm suksesin e Albin Kurtit, Qeverisë së Kosovës, Republikës së Kosovës dhe asgjë tjetër, por nuk mund të rrri më duke parë në kushtet kur realisht ajo që shoh duhet ndarë me të gjithë sepse është një kërcënim shumë i madh që nuk i vjen Kosovës nga Serbia, por i vjen nga reduktimi i marrëdhënieve me aleatët në një nivel ku e humbura e madhe është Kosova. Ky është shqetësimi im”, shtoi kryeministri shqiptar.