Kryeministri në detyrë, Albin Kurti të enjten i është referuar indeksit të kompanisë “Henley and Partners”, që ka vlerësuar se Kosova është në mesin e shteteve më të sigurta në botë për të investuar.

Mirëpo juristja e medias, Flutura Kusari ka thënë se kjo kompani është famëkeqe dhe e njëjta që “ia ka nxi jetën” gazetares Daphne Caruana Galizia në Maltë, e cila më pas u vra.

“Henley and Partners, të cilës po i referohet Kurti dhe qeveria për me u krekosë me të arritura, nuk është asgjë tjetër pos një kompani famëkeqe ligjore që e ka zgjeru biznesin edhe në pasaporta dhe investime”, ka thënë Kusari.

-Advertisement-

“Për këtë kompani, të cilën e njoh shumë mirë, mundem me shkru gjatë, por po i lus gazetarët që të hulumtojnë dhe ta informojnë publikun. Ajo që mund të them është që Henley and Partners ia kanë nxi jetën gazetares së vrarë malteze Daphne Caruana Galizia”, ka thënë ajo teksa ka kërkuar që të lexohet edhe një tekst i gazetares, të cilin e kishte shkruar tre javë para se të vritej. Shkrimi ishte për Henley and Partners.

Postimi i saj:

Këtë e ka shkru vetë Daphne 3 javë para se me u vra. Lexoni shkrimin e saj për Henley and Partners.

https://daphnecaruanagalizia.com/…/london-law-firm…/

Qysh ia kanë nxi jetën?

Henley merret me investime të ndryshme, ndërsa si biznis kryesor e kanë shitje-blerjen e pasaportave. Malta ka pasë program për shitjen e pasaportave të cilin program Daphne e ka kritiku me vite të tëra. Programi është konsideru nga gjykata e BE-së që është në kundërshtim me ligjet e BE-së dhe është mbyllë nga qeveria.

Meqë Daphne ka qenë kritike, drejtori i Henley bashkë me ish kryeministrin e Maltës, shefin e tij të kabinetit dhe qeveritarë tjerë, janë marrë vesh që me e paditë Daphnen në Londër ashtu që me shkatërru financiarisht dhe me i bo presion ligjor.

Të gjitha këto janë ekspozu në hetimin publik (public inquiry) që është bërë për vrasjen e Daphnes. Në gjykatë, djali i saj Matthew, ka tregu në detaje se si kjo kompani ia ka nxi jetën nënës së tij duke ofru emaila, letra, sms etj si dëshmi. Lexoni në linkun poshtë diskutimet e drejtorit të Henley me kryeministrin për Daphne.

Njëjtë për pasaporta, mos i besoni aspak vlerësimit të tyre për pasaporta sepse kanë konflikt interesi. Shitje-blerjen e pasaportave e kanë biznes dhe luajnë me atë indeks qysh kanë qejf.

Dëshmia e Matthew në gjykatë – https://timesofmalta.com/…/IIP-henley-emails-daphne…

Qeveria ka të drejtë me e promovu punën e saj por është keqinformim nëse tentohet që Henley and Partner të paraqiten si ndonjë autoritet.

Përndryshe, lufta e Henley and Partners kundër Daphnes është arsyeja kryesore përse jam angazhu kundër padive SLAPP dhe ia kam kushtu gjysmë dekade të jetes time.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-