Lajme

Kurti e siguron se Kosova është partnere e aleate, Admirali Wikoff: Institucionet u themeluan, koha për të ecur përpara

Autori: Gazeta inFokus 16:36 | 14 Tetor 2026

Kryeministri Albin Kurti ka pritur sot në takim komandantin e Komandës së Forcave të Përbashkëta Aleate të NATO-s në Napoli, Admiralin George M. Wikoff dhe komandantin e ri të misionit në Kosovë, gjeneralmajor Roberto Vergori.

Dy mysafirët i shkuan në zyre Kurtit pas ceremonisë së ndërrimit të komandës së KFOR-it që u mbajt në shtabin e KFOR’it në Prishtinë.

Pas dorështrëngimit, Witkoff i tha Kurtit: “Institucionet u themeluan, koha për të ecura përpara”.

-Advertisement-

Ndërkaq, Kurti i siguroi ata se “në Kosovë keni një partner dhe aleat që i kushton rëndësi të madhe paqes dhe sigurisë, garantimit të sigurisë për të gjithë qytetarët, por që dëshiron gjithashtu të kontribuojë në paqen dhe stabilitetin rajonal dhe të përgjithshëm”.

“Në takimin e tretë këtë vit me Admiralin Wikoff dhe të parin me Gjeneralmajor Vergori, biseduam për situatën e sigurisë në vend dhe rajon, zhvillimet dhe aktualitetin, sikurse për bashkëpunimin dhe bashkërendimin ndërmjet institucioneve të Republikës dhe NATO-s. Jemi falënderues dhe mirënjohës për kontributin e Aleancës së Atlantikut të Veriut, anëtare e së cilës synojmë të bëhemi, për paqen e qëndrueshme dhe stabilitetin afatgjatë në Kosovë dhe mbarë Ballkanin Perëndimor. E, po ashtu për përkushtimin për mjedis të qetë e të sigurt për të gjithë qytetarët dhe të gjitha komunitetet”, tha Kurti.

Vergori mori komandën sot nga gjenerali turk, Ozkan Ulutas.

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy