Kurorëzimi i Charles III u ndoq edhe në Tiranë, ambasadori: Tregon fuqinë e marrëdhënieve mes Shqipërisë dhe Anglisë
Autori: Gazeta inFokus 18:00 | 06 May 2023
Ceremonia e kurorëzimit të Çarslit të Tretë Mbret i Mbretërisë së Bashkuar u ndoq edhe në Tiranë përmes një ceremonie të veçantë të organizuar nga ambasada britanike.
Shumë britanikë të cilët jetojnë dhe punojnë në Shqipëri në ambientet e Ambasadës Britanike në Tiranë u bënë pjesë e Kurorëzimit të mbretit Charles i tretë dhe Camilla si mbretëreshë.
Ambasadori Alastair King-Smith, vlerësoi figurën e mbretit Charles III si edhe rolin e Monarkisë në Mbretërinë e Bashkuar.
King Smith: Monarkia Britanike ka të bëjë me vazhdimësinë dhe stabilitetin. Është një konstante e rrallë në jetën tonë në momentet e ndryshimeve të tilla të mëdha. Kurorëzimi e mishëron këtë. Për 1000 vitet e fundit, monarkët britanikë janë kurorëzuar në Ëestminster Abbey. Ajo u ndërtua nga Mbreti Eduard I dhe pasardhësi i tij Uilliam Pushtuesi ishte monarku i parë që u kurorëzua atje në vitin 1066. Mbreti Charles do të jetë i dyzeti. Mbreti është një figurë jetike jo vetëm për Britaninë, por edhe për vendet e tjera për të cilat ai është kreu i shtetit. Kjo përfshin 14 vende në Commonëealth, 14 Territore Jashtë Britanisë dhe mbi 150 milionë njerëz në të gjithë globin. Si një monark kushtetues që vepron si kryetar shteti në krye të një sistemi demokratik, Mbreti shihet si një figurë që ngrihet mbi politikën partiake dhe na bashkon si brenda kombit tonë ashtu edhe në shumë vende. Mbreti është gjithashtu kreu i Commonëealth, një grup prej 54 kombesh demokratike nga të gjitha kontinentet. Kjo është arsyeja pse qindra miliona njerëz do të ndjekin sot kurorëzimin. Monarku mban tradicionalisht titullin “Mbrojtësi i Besimit”, duke pasqyruar rolin e tij si Kryetar i Kishës Anglikane. Por Mbreti Charles gjithmonë ka theksuar se e sheh veten si një mbrojtës të të gjitha besimeve.
King Smith: Charles u bë Princi i Uellsit dhe Trashëgimtar në moshën 4-vjeçare. Si Princi i Uellsit, ai ka qenë një avokat i flaktë për kauzat mjedisore për dekada, duke përfshirë periudhat kur pikëpamjet e tij ishin më pak popullore sesa sot. Ai ka ofruar udhëheqje të vërtetë në gjenerimin e të menduarit inovativ që ka frymëzuar shumë të tjerë. Mbreti Charles ka ofruar mbështetje si mbrojtës për mbi 800 organizata bamirëse dhe filantropike. Organizata bamirëse që ai themeloi personalisht në vitin 1976 – The Prince’s Trust – u ka dhënë mundësi mbi një milion të rinjve të pafavorizuar. Mbreti ishte trashëgimtar i fronit për pesëdhjetë vjet dhe gjatë gjithë asaj kohe ka qenë gjithmonë një kampion i këtyre kauzave të denja, veçanërisht për të rinjtë. Me një jetë të tërë për t’u përgatitur, ai tashmë po provon të jetë një Mbret i shkëlqyer.
Për ambasadorin, prania e Presidentit Bajram Begaj në ceremoninë e kurorëzimit të Mbretit tregon fuqinë e marrëdhënieve mes Shqipërisë dhe Mbretërisë së Bashkuar.
King Smith: Jam i nderuar që Shkëlqesia e Tij Presidenti Begaj do të marrë pjesë sot në Kurorëzimin në emër të Shqipërisë, përkrah liderëve të tjerë botërorë. Kjo tregon fuqinë e marrëdhënieve mes Shqipërisë dhe Mbretërisë së Bashkuar. Siç e dini nga mënyra se si kam folur që kur kam ardhur, ne jemi të vendosur të vazhdojmë të thellojmë dhe zgjerojmë marrëdhëniet tona me Shqipërinë.
Të tjera
-
Haliti: Qëllimi i LPK-së ka qenë që Kosova t’i bashkohet Shqipërisë, por nuk realizohet gjithçka
Deputeti i PDK-së, Xhavit Haliti, ka thënë se qëllimi i organizatës të cilës ...
-
“Mundohen të inskenojnë një konflikt”, Kastrati tregon rrezikun që i kanoset veriut nga “Brigada e Veriut”
Ish-komandanti i Forcës së Sigurisë së Kosovës (FSK), Kadri Kastrati, ka ngri...
-
Stuhi të mëdha në Serbi, dalin pamjet nga atje
Një stuhi e fortë e shoqëruar me rrebeshe të mëdha dhe bubullima goditi një p...
-
Dëbohet kosovari i cili jetonte në Gjermani nga viti 1989
Përveç që kishte mbajtur burg për tregti droge, babai i divorcuar i katër fëm...
-
Dita e Çlirimit/ Nesër koncert me emrat e njohur të muzikës shqipe
Nesër shënohen 25 vjet prej kur vendi u çlirua nga okupimi serb. Insti...
-
Valon Syla tregon një sekret për autoblindën shqiptare ‘Shota’
Valon Syla, gazetar ka treguar një sekret për autoblindën shqiptare ‘Shota’, ...
-
Vuçiq iu përgjigjet kritikave për “kuvendin gjithëserb” duke e akuzuar Ambasadën amerikane
Presidenti i Serbisë, Aleksandar Vuçiq, e ka akuzuar të martën Ambasadën e Sh...
-
Shënimi i 25-vjetorit të Ditës së Çlirimit- Kuvendi mban nesër seancë solemne
Kuvendi i Kosovës do të mbajë nesër seancë solemne për shënimin e 25-Vjetorit...
-
Maqedonci: Do të vazhdojmë traditën e bashkëpunimit me Turqinë
Ministri i Mbrojtjes, Ejup Maqedonci, ka bërë të ditur se sot e ka pritur në ...
-
Lajçak tregon për raportimin në Këshillin e Europës: I informova për dinamikën e dialogut Kosovë-Serbi
Emisari i Bashkimit Europian për dialogun Kosovë – Serbi, Miroslav Lajçak ka ...
-
Lukas Mandl dekorohet me Medaljen e Artë për Shërbim ndaj Austrisë
Lukas Mandl u nderua me Medaljen e Artë për Shërbim ndaj Austrisë në një cere...
-
Shënimi i 25-vjetorit të Ditës së Çlirimit- Kuvendi mban nesër seancë solemne
Kuvendi i Kosovës do të mbajë nesër seancë solemne për shënimin e 25-Vjetorit...