Kur do të ri-procedohet në Kuvend Kodi Civil?
Autori: Gazeta inFokus 08:39 | 14 December 2022
Projekt-kodi Civil kishte nxitur debat të madh muaj më parë.
Madje, nuk u votua as në Kuvend.
Kundër tij, pos deputetë të opozitës ishin edhe ata të pushtetit.
I njëjti kishte 29 vota kundër, 28 për dhe katër deputetë kishin abstenuar.
Në momentin e votimit në muajin mars të këtij viti në Kuvend ishin 77 deputetë, por 16 prej tyre nuk morën pjesë në votim.
E, pika që deputetët kishin mospajtime gjatë seancës të së mërkurës ishte neni i cili do të mundësonte hartimin e një ligji të posaçëm, përmes të cilit do të lejohej regjistrimi i “bashkësive civile” ndërmjet personave me gjini të njëjtë.
Kjo, bëri që Kodi Civil t’i kthehet prapë Qeverisë për ndryshime.
Front Online, për këtë çështje dhe ndryshimet që janë kërkuar, ka kërkuar përgjigje në Ministrinë e Drejtësisë.
Por, nga kjo ministri nuk kanë kthyer përgjigje.
E, po ashtu nuk kanë treguar se as kur pritet të ri-procedohet në Kuvend.
Duda Balje: Nuk do ta votoj Kodin Civil nëse s’janë bërë ndryshime
Kryetarja e Komisionit për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, Duda Balje ka thënë për Front Online se janë duke pritur që projekt Kodi-Civil të vijë në komision, por se nuk kanë asnjë informatë rreth kësaj çështjeje.
Thotë, se do të votojë përsëri kundër nëse nuk janë bërë ndryshimet e kërkuara.
“Jemi në pritje që me ardh prej Qeverisë në Komision. Unë qysh kam votua herën e parë, votoj edhe herën e dytë sepse kemi informata se asgjë nuk ka ndryshuar. Ende nuk ka ardhë, unë nuk e di a kanë bërë ndonjë ndryshim apo jo, por nëse nuk kanë bërë unë prapë do të jem kundër”, ka thënë Balje
E, në rast të ndryshimeve vota e saj do të jetë pro.
“Nëse, kanë bërë ndryshime për nenet që ne kemi kërkuar, unë normal votoj për, sepse unë personalisht kundër Kodit Civil asgjë nuk kam. Kam probleme vetëm me këto dy nene dhe këtu është arsyeja e kësaj. Ajo që unë jam kundër është martesa mes gjinisë së njëjtë dhe këtë e dinë të gjithë, edhe nuk kam ndryshuar mendim”, ka shtuar Balje.
Ndryshime, në Kodin Civil, kanë kërkuar edhe nga AAK-ja.
Madje, nga kjo parti thonë për Front Online, se nëse nuk janë bërë ndryshimet e kërkuar përsëri do të votojnë kundër.
“Ne si Grup Parlamentar i Aleancës për Ardhmërinë e Kosovës, kemi dalë kundër këtij projekt kodi Civil, jo në versionin që është prezantuar dhe deri më tash kemi të njëjtin qëndrim. Nëse bëhen ndryshime, edhe mund të bisedojmë por në formën siç është sjell në Kuvend ne e kemi dhënë qëndrimin tonë. Jemi të vetëdijshëm për rëndësinë që ka projekt kodi në fjalë, por nëse nuk merren për bazë që të bëhen ndryshimet siç edhe i kemi adresuar në deklarimet tona në Kuvend atëherë ne nuk do ta votojmë përsëri”, ka thënë deputetja e AAK-së, Albana Bytyqi.
Bytyqi, ka deklaruar se nuk e dinë saktë se kur Kodi Civil do të vijë në Komision për t’u shqyrtuar.
Sa i përket Projekt Kodit Civil, mund të ju them se po është diskutuar por ende nuk e dimë saktë
Kundër, Projekt Kodit Civil në herën e parë kanë votuar këta deputetë: Labinotë Demi – Murtezi (LVV), Eman Rrahmani (LVV), Burim Karameta (LVV), Gramoz Agusholli (LVV), Visar Korenica (LVV), Driton Hyseni (LVV), Fitim Haziri (LVV), Drita Millaku (LVV), Fjolla Ujkani (LVV), Ekrem Mustafa (LVV), Alban Bajrami (LVV), Valon Ramadani (LVV), Milazim Salijaj (LVV), Nijazi Isaku (LVV), Besnik Tahiri (AAK), Time Kadrijaj (AAK), Pal Lekaj (AAK), Bekë Berisha (AAK), Albana Bytyçi (AAK), Mërgim Lushtaku (PDK).
Të tjera
-
Mbrojtja propozon të kryhet ekspertizë e re psikiatrike ndaj të akuzuarit për vrạsjen e vëllait
Në seancën e së premtes në Gjykatën Themelore në Mitrovicë, mbrojtësja e të a...
-
Sarrazin i kërkon Qeverisë t’i heq masat ndaj mallrave serbe, flet për pasoja të rënda në rast të refuzimit
Manuel Sarrazin, emisar i Gjermanisë për Ballkanin Perëndimor ka bërë një ana...
-
Gjermania hap dyert për 250 mijë emigrantë të këtij vendi
Gjermania do të hapë dyert për 250 mijë punëtorë kenianë të kualifikuar dhe g...
-
“Qëllimi jonë është Islamizimi i Kosovës e Preshevës. Unë nuk jam shqiptar”, hoxha nga Sanxhaku me deklaratë të rrezikshme
Një hoxhë nga Sanxhaku, që flet shqip ka mbajtur sot një tubim në Luginën e P...
-
Lista preliminare e provimit për prokurorë të shtetit
Këshilli Prokurorial i Kosovës shpall listën preliminare të provimit të kandi...
-
REL: Kosova dhe Serbia kanë konfirmuar pjesëmarrjen në takimin e 17 shtatorit
Burimet e Radios Evropa e Lirë në Bashkimin Evropian kanë thënë se presin që ...
-
Ra nga kati i tretë i objektit ku punonte, vdes 48 vjeçari në Prizren
Një person ka vdekur sot në vendin e tij të punës. Rasti ka ndodhur në Pri...
-
Parlamentari serb: Vuçiq shpalli kapitullimin në Kosovë
Deputeti opozitar në Parlamentin e Serbisë, Zdravko Ponosh, ka reaguar pas ko...
-
Haziri pas konferencës së Vuçiqit: Kosova mos të bie në hendekun e Serbisë
Nënkryetari i LDK-së, Lutfi Haziri, ka reaguar pas konferencës që mbajti pres...
-
Incidenti në veri, kthehen afishet, tash pro-Radoiçiqit
Sikur fotografia, me kujdes janë zgjedhur edhe fjalët. Kryeterroristit Mil...
-
Kurti me videolidhje pjesë e panelit ku ishte edhe Lajçak – akuza Vuçiqit se e përdor Kosovën dhe Bosnjën për të siguruar lëshime nga Perëndimi
Gjatë paradites së 13 shtatorit, kryeministri i Kosovës, Albin Kurti, me vide...
-
Përkundër që ndau rrugët me Vetëvendosjen, Fatmir Humolli përkrah qeverisë për veriun
Deputeti Fatmir Humolli ka një kohë që i ka ndarë rrugët me Lëvizjes Vetëvend...