Lajme

Kthimi i ligjit në Kuvend, Bajqinovci: Ku janë sot ata që flisnin për bomba e ushtronin presion mbi Qeverinë dhe VV’në

Autori: Gazeta inFokus 20:43 | 22 Tetor 2026

Deputeti i Lëvizjes Vetëvendosje, Mefail Bajqinovci, ka reaguar pas kërkesës së PDK-së që ligji për Gjykatën Speciale të kthehet sërish në Kuvend, duke rikujtuar deklaratat e mëhershme dhe “presionin për votimin e tij”.

Përmes një postimi, Bajqinovci ka ngritur pikëpyetje për qëndrimet e atyre që, sipas tij, kërkonin votimin e ligjit me çdo kusht dhe ushtronin presion mbi Qeverinë dhe deputetët e VV-së.

Ai ka përmendur edhe deklaratat për bomba dhe kërcënimet se deputetët nuk do të dilnin të gjallë pa e votuar ligjin, duke kërkuar që qytetarëve t’u jepet një shpjegim për qëndrimet e tanishme.

-Advertisement-

Postimi i tij i plotë:

E tash, qysh me ia ba me ato deklaratat e forta për bomba dhe fjalët se “deputetët nuk dalin të gjallë pa e votuar ligjin”?

Ku janë sot ata që ushtronin presion të madh publik mbi Qeverinë dhe deputetët e Lëvizjes VETËVENDOSJE!?

Na thoshit: “Votojeni ligjin, se ndryshe s’bën!”

Ne e votuam!

PDK-ja, paska kërkuar që ligji për Gjykatën Speciale të kthehet sërish në Kuvend, pas gjithë atyre deklaratave, reagimeve dhe protestave?

A vlejnë të njëjtat kritere edhe për PDK-në, apo kërkesat dhe presioni publik vlejnë vetëm kur bëhet fjalë për deputetët e VV-së?

Ku mbetën ultimatumet dhe ku mbetën zërat që kërkonin votimin me çdo kusht?

Qytetarët meritojnë një shpjegim!

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy