Lajme

​Kryeministrja suedeze njofton dorëheqjen pas humbjes në zgjedhje

Autori: Gazeta inFokus 07:02 | 15 September 2022

Kryeministrja e Suedisë Magdalena Andersson pranoi sot humbjen e partisë së saj socialdemokrate në zgjedhje, duke ia dorëzuar udhëheqjen e vendit bllokut të krahut të djathtë të katër partive.

Të gjitha votat nuk janë numëruar ende, por Andersson, e cila u bë kryeministrja e parë femër e Suedisë vitin e kaluar, tha se rezultatet treguan se blloku i krahut të djathtë kishte fituar.
“Prandaj nesër do t’i kërkoj kryetarit të Kuvendit që të largohem nga detyra ime”, tha ajo në një konferencë për media.

Të moderuarit, demokratët suedezë, kristiandemokratët dhe liberalët do të kenë 176 përfaqësues në parlamentin prej 349 vendesh pas zgjedhjeve të së dielës. Blloku i majtë fitoi 173 vende, tregojnë rezultatet aktuale.

-Advertisement-

Zgjedhjet përfaqësojnë një pikë kthese në politikën suedeze, pasi demokratët suedezë antiemigrantë, të injoruar nga të gjitha partitë e tjera që kur hynë në parlament në vitin 2010, duhet të bëhen pjesë e qeverisë për herë të parë.

Ata janë në rrugën e duhur për të fituar 20.6 për qind të votave, duke kaluar të moderuarit që kanë 19.1 për qind dhe duke u bërë partia më e madhe në të djathtë.

Megjithëse partia e Ulf Kristersson është më e dobët për sa i përket rezultateve, kreu i demokratëve suedezë Jimmie Akesson nuk ka aftësinë për të mbledhur mbështetjen e gjerë të nevojshme për të rrëzuar socialdemokratët.

Subscribe në YouTube: GAZETA INFOKUSI
Etiketa:
KosovaMed përmbyll vitin me sukses – dhuron donacione për QKMF-në e Junikut
-Advertisement-

Të tjera

Fokusi

lajme