Krasniqi: Kurti s’ka nevojë të fshihet e mashtroj për dialogun, pranoi planin franko-gjerman me biftek përpara
Autori: Gazeta inFokus 12:11 | 09 February 2023
Kryetari i Partisë Demokratike të Kosovës, Memli Krasniqi ka thënë para deputetëve në Kuvendin e Kosovës se Kryeministri i vendit, Albin Kurti nuk e ka guximin për ta ushtruar përgjegjësinë që i takon në raport me zhvillimet e fundit për dialogun Kosovë-Serbi, shkruan Gazeta Online Reporteri.net.
I pari i PDK-së, tha se Kurti për çështjen e dialogut nuk ka nevojë të fshihet dhe të mashtrojë, por të kryej përgjegjësinë ligjore e kushtetuese që i takon.
“Të jesh konsistent në qëndrime është parim fisnik në politikë. Të jesh pragmatik në politikë, do të thotë të veprosh duke ruajtur parimet. E vetmja gjë që s’është fisnike është mungesa e guximit për ta ushtruar përgjegjësinë që të takon kur e mashtron vetveten që do t’i arrish qëllimet me sukses. Fatkeqsisht kjo është rruga që është duke e ndjekur Kurti në mënyrën se si është qasur qeverisjes në përgjithesi, në veçanti zhvillimeve të fundit në lidhje me dialogun Kosovë-Serbi”.
“Dua t’i bëjë të qartë Kurtit se për punën e dialogut nuk ka nevojë të fshihet e as të mashtrojë, të luaj rolin e shpëtimtarit e as tradhtarit. Për PDK-në mjafton ta ushtrojë përgjegjësinë konkrete ligjore e kushtetuese që e ka si kryeministër”, tha Krasniqi.
Sipas Krasniqit nuk ishte e nevojshme që Kurti të tregonte nga një resturant për pranimin e propozimit franko-gjerman.
“Nuk ka nevojë me mshef prej Kuvendit as deputeteve asnjë prej pozicioneve në të cilat qëndron sot Kryeministri në raport me planin franko-gjerman. S’ka nevojë me na njoftu se e ka pranuar këtë plan nga nje restaurant me një biftek përpara, por këtu në kuvend ku janë përfaqësuesit e popullit. Nuk ka nevojë me e mshef para deputetëve aranzhmanet qe po i negocion në lidhje me Asociacionin, e as me prezantu kushte”, tha Krasniqi.
I pari i PDK-së gjithashtu theksoi se përballë Serbisë, Kurti gjithmonë do ketë mbështetjen, por se siç thotë ai procesi i dialogut nuk është plan privat mes tij e Vuçiqit, por është çështje shtetërore.
“Për dialog s’të kemi penguar e as lincuar, të kemi mbështetur, pasi perballë Serbisë jemi bashkë. Kryeministër duhet të arrish qëllimet shtetërore të Kosovës nga ai proces, përmes marrëveshjes që përmban njohjen e ndërsjellë ndërmjet dy vendeve. Nuk është demokratike e as fisnore t’i bësh këto zhvillime duke u fshehur, duke i pranuar këto plane në Twitter, e duke i fshehur në Facebook. Dialogu si proces dhe aranzhmanet që dalin prej tij, nuk janë çështje private mes teje e Vuçiqit, por çështje shtetërore mes Kosovës dhe Serbisë, e s’ka nevojë të jesh as mistik, as hero e as tradhtar”, shtoi Krasniqi.
Kryetari i PDK-së gjithashhu përmendi edhe ambasadorin Martin Berishaj, i cili vazhdon të ushtrojë këtë detyrë, ndërsa kërkoi nga Kryeministri Kurti shkarkimin e tij.
“Si është e mundur që një person në skandalin më të madh rajonal, e temë në media evropiane, e ka fitu miliona të vazhdoj të qëndroj si ambasador duke perfaqesuar Kosoven, e ti si minister s’ke pasur guxim per komente. Larg temave të medha po i fshehni disa tema tjera”, tha Krasniqi ndërsa në fund iu drejtua Kurtit se kur do ta bëjë shkarkimin e Berishajt.
Të tjera
-
Kryeministri Kurti takohet me ministrin e Brendshëm të Izraelit
Kryeministri i Kosovës, Albin Kurti, ka pritur sot në takim ministrin e Brend...
-
AAK-ja premton mbi 1000 euro pagë mesatare në sektorin publik
Grupi për hartimin e Programit Zgjedhor të AAK-së 2025-2028 është mbledhur so...
-
ASK për 2023: Kosova me mbi 6 milionë vizitorë
Mbi 6 milionë është numri i vizitorëve për vitin 2023 në Kosovë sipas Agjenci...
-
50 vendet ku kosovarët mund të udhëtojnë pa viza
Kosova dhe Izraeli nënshkruan më 18 qershor një marrëveshje për heqjen recipr...
-
Doris Pack në inaugurimin e rrugës në Podujevë që do të bartë emrin e saj: Ndjej, vuaj e gëzohem bashkë me Kosovën
Ndihma e saj gjatë dhe pas luftës për Kosovën dhe popullin e saj, janë arsyej...
-
Komploti në Gjermani, fillon gjykimi ndaj grupit që do ta rrëmbente kancelarin Olaf Scholz
Tetë persona, anëtarë të ekstremit të djathtë në Gjermani, kanë dalë para gjy...
-
Gërvalla: Kosovarët pa viza në Izrael nga 19 shtatori
Shefja e diplomacisë kosovare, Donika Gërvalla-Schwarz, ka njoftuar për nënsh...
-
UNI-Universum International College rankohet me sukses në Times Higher Education Impact Rankings 2024
UNI-Universum International College është renditur në Times Higher Education ...
-
Nuk ka takim mes Osmanit dhe Lajçakut, kjo është arsyeja
Përfaqësuesi Special i BE-së, Miroslav Lajçak sot do të jetë në Kosovë, por n...
-
Prokuroria nis hetimet ndaj profesorit Xhevat Krasniqi
Prokuroria Themelore e Prishtinës ka nisur hetimet ndaj profesorit Xhevat Kra...
-
Ministri Sveçla merr pjesë në panairin e sigurisë “Eurosatory 2024” në Paris
Ministri i Punëve të Brendshme, Xhelal Sveçla, i shoqëruar nga zëvendësminist...
-
Zgjatet edhe 7 ditë afati i konkursit për rekrutimin e kadetëve
Ministria e Mbrojtjes ka njoftuar se është zgjatur afati i konkursit për rekr...