Lajme

KQZ-ja pritet të certifikojë sot rezultatet përfundimtare të zgjedhjeve të 7 qershorit

Autori: Gazeta inFokus 09:14 | 08 July 2026

Komisioni Qendror i Zgjedhjeve (KQZ) pritet të mbajë sot, duke filluar nga ora 11:00, mbledhjen e radhës, në të cilën është paraparë certifikimi i rezultateve përfundimtare të zgjedhjeve të parakohshme parlamentare të 7 qershorit.

Mbledhja vjen një muaj pas mbajtjes së zgjedhjeve, pasi dita e martë shënoi plot një muaj nga procesi zgjedhor.

Lajmin e ka konfirmuar zëdhënësi i KQZ-së, Valmir Elezi, i cili tha se mbledhja është caktuar pasi Gjykata Supreme ka vendosur për ankesat e paraqitura lidhur me procesin zgjedhor.

-Advertisement-

“Ju njoftoj se të mërkurën (8 korrik 2026, ora 11:00) Komisioni Qendror i Zgjedhjeve do të mbajë mbledhjen e radhës. Në rend dite është certifikimi i rezultateve përfundimtare të zgjedhjeve të parakohshme për Kuvendin e Republikës së Kosovës, të cilat janë mbajtur më 7 qershor. Mbledhja është caktuar pas vendosjes nga Gjykata Supreme për ankesat e paraqitura në këtë institucion”, ka deklaruar Elezi.

Me certifikimin e rezultateve përfundimtare përmbyllet zyrtarisht procesi zgjedhor, duke i hapur rrugë hapave të mëtejmë për konstituimin e Kuvendit dhe formimin e institucioneve të reja.

Teknologjia në kuzhinë nuk është vetëm çështje komoditeti, por edhe kohe: Njihuni me pllakën inovative me induksion Miele KM 8000!
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy