Sport

Kovac flet për golin e Mane, ja si e vlerëson gabimin në dalje të Neuer

Autori: Gazeta inFokus 11:43 | 15 March 2019

Trajneri i Bayern Munichhttps://twitter.com/AMW_FC/status/1105932322237493250 , Niko Kovac, e mbron vendimin e Manuel Neuer për të dalë nga zona e tij e portës në rastin e golit të Sadio Mane, në kthimin e Ligës së Kampionëve kundër Liverpool, ku erdhi edhe eliminimi nga ky kompeticion.

Kroati ka hedhur poshtë kritikat ndaj portierit të tij, i cili gaboi në dalje në rastin e golit të senegalezit: “Portieri duhet të dalë në kësi momentesh, për të ndaluar që sulmuesi të dalë përfundimisht i vetëm me portën. Vendimi i Manuel ishte i drejtë”.

Neuer, gjithashtu, mbrojti daljen e tij të shumëkritikuar, duke pretenduar se ishte veprimi i shkëlqyer i senegalezit, ai që prodhoi atë gol të jashtëzakonshëm: “ Doja ta bllokoja Mane, por ai bëri një punë të shkëlqyer. Tentova ta mbyllja rrezen e tij, më pas bëri atë lëvizjen mashtruese me trup. Nuk e prisja që do ta kontrollonte topin aq mirë. Ishte e qartë që do të vendosesha në një situata një kundër një, kështu që vendosa që të dilja menjëherë”.

-Advertisement-

Subscribe në YouTube: GAZETA INFOKUSI
Etiketa:
Artmotion fuqizon ragbin në Kosovë, Prishtina mirëpret Turneun Ndërkombëtar “Europe 7’s Conference”
-Advertisement-

Të tjera

Fokusi

sport