Lajme

Kosova vendos sanksione të reja kundër Rusisë

Autori: Gazeta inFokus 10:50 | 14 Tetor 2026

Qeveria e Kosovës ka miratuar plotësim-ndryshimet e vendimit të qeverisë të vitit 2022 kur nisi agresioni rus në Ukrainë për zbatimin e vendimit të Këshillit të Bashkimit Europian për sanksionet ndërkombëtare ndaj Rusisë.

Para Qeverisë, këtë pikë e prezantoi ministri i Jashtëm, Glauk Konjufca, i cili foli edhe për përmbajtjen e këtij vendimi.

“Ky vendim parashikon përjashtime të përkohshme për masa kufizuese për përmbylljen e kontratave ekzistuese dhe sigurimin e komponentëve kritikë industrialë gjatë kalimit prej burimeve alternative të furnizimit, Ministria e Punëve të Jashtme dhe e Diasporës propozon për shqyrtim dhe miratim propozim-vendimin për ndryshimin dhe plotësimin e vendimit të qeverisë. Qëllimi është linjëzimi i vazhdueshëm i politikës së jashtme të Kosovës me Politikën e Përbashkët të Jashtme dhe të Sigurisë së Bashkimit Europian”.

-Advertisement-