Rozë

​”Kosova në Amerikë?!” , Gafa epike e banorëve të Grande Fratello pas lajmit për Dolcen

Autori: Gazeta inFokus 12:29 | 25 November 2025

Një kryqëzim historik pritet të ndodhë mes dy formateve gjigante, Big Brother VIP Kosova dhe Grande Fratello në Itali.

​Mbrëmjen e djeshme, në shtëpinë më të famshme në Itali, është dhënë lajmi i madh për banorët: një konkurrente nga edicioni i Kosovës do t’u bashkohet atyre për disa ditë. Bëhet fjalë për Dolcen, banoren që tashmë është zgjedhur si imazhi që do të “trazojë” ujërat në Itali.

Ajo nga klipi prezantues duket se iu pëlqeu shumë.

-Advertisement-

​Por, momenti më viral i njoftimit nuk ishte vetëm emri i saj, por reagimi epik dhe paksa i sikletshëm i konkurrentëve italianë.

​Gjatë komunikimit të lajmit, kur u përmend se banorja e re vjen nga “Big Brother i Kosovës”, njohuritë gjeografike të banorëve italianë lanë për të dëshiruar. Të kapur në befasi, disa prej tyre nisën të diskutonin me njëri-tjetrin vendndodhjen e shtetit tonë, duke arritur në konkluzionin qesharak se Kosova ndodhet në Amerikë!

​Ky moment konfuzioni, ku banorët pyesnin nëse vajza po vjen nga Amerika, ka shkaktuar të qeshura dhe pritet të bëhet virale në rrjet, duke treguar edhe njëherë se sa shumë punë ka për të bërë Dolce për t’u treguar atyre se nga vjen realisht.

​Dolce pritet të udhëtojë këtë javë drejt Italisë, ndërsa mbetet për t’u parë se si do t’ia shpjegojë ajo “fqinjëve” të rinj se nuk ka ardhur nga përtej oqeanit, por nga ana tjetër e Adriatikut.

 

Udhëto nga Suedia drejt Kosovës me PrishtinaTickets
-Advertisement-

T� tjera

Fokusi

roze

Ky website përdor cookies. Duke vazhduar përdorimin, ju pranoni përdorimin e tyre.

Privacy policy