“Kosova Med Health Care” fiton betejën me Inspektoratin Shëndetësor që shkeli ligjin e i la pa shërbime shëndetësore qytetarët
![](https://gazetainfokus.com/wp-content/uploads/2024/01/Ballina-e-re-3.png)
Autori: Gazeta inFokus
16:23 | 23 January 2024
Një vendim të padrejtë kishte marrë Inspektorati Shëndetësorë me datë 27.10.2023 kundrejt një kompanie kosovare që ofronte shërbime të kujdesit social shëndetësor shtëpiak dhe ambulatorë për qytetarët e komunës së Drenasit.
Në vendimin e Komisionit të Ankesave që ka siguruar Gazeta Infokus thuhet se shërbimet që ofronte “Kosova Med Health Care” SH.P.K. ishin ndaluar padrejtësisht nga inspektorati shëndetësorë në fund të tetorit të vitit 2023 gjoja për shkelje të disa dispozitave të ligjit për shëndetësi.
Madje Inspektorati Shëndetësor nuk ishte mjaftuar me kaq.
Ata ia kishin shqiptuar edhe një gjobë prej 10 mijë euro kësaj kompanie.
Por si erdhi deri tek ky vendim i paligjshëm i Inspektoratit Shëndetësor?
Gjatë inspektimit të realizuar me datë 11.10.2023 në QKMF “Hafir Shala” në Drenas inspektorët shëndetësorë kishin hasur në personel shëndetësor të cilët nuk ishin punëtorë shëndetësor të QKMF por të kompanisë “Kosova Med Health Care” SH.P.K. e të cilët ishin angazhuar me punë sipas një kontrate publike për shërbime si kujdes social shëndetësor shtëpiak dhe ambulatorë për qytetarët e komunës së Drenasit. Kontratë kjo e lidhur mes kompanisë dhe Komunës se Drenasit me 18.06.2021.
Inspektoret në inspektimin e datës 17.10.2023 kishin konstatuar se “Kosova Med Health Care” nuk kishte licence valide të punës nga Ministria e Shëndetësisë për ofrimin e këtij shërbimi pasi që merret me shitjen e aparaturave mjekësore dhe se ne kuadër të këtij subjekti jashtëligjshëm janë punësuar profesionistë shëndetësor si doktor të mjekësisë, stomatolog e infermier të cilët ofrojnë shërbime shëndetësore në hapësirat e QKMF në Drenas.
Por krejt këto konstatime ishin të padrejta.
Dhe një konstatim krejt tjetër nxori komisioni për shqyrtimin e ankesave më 22 janar të këtij viti, shkruan Gazeta Infokus.
“Pas shqyrtimit të ankesës së parashtruar nga përfaqësuesi i kompanisë “Kosova Med Health Care” SH.P.K. me seli në Prishtinë dhe administrimit të provave që janë Certifikata e Regjistrimit të Biznesit lëshuar nga ARBK, licencat e stafit shëndetësor të angazhuar nga “Kosova Med Health Care” dhe kontratën me QKMF në Drenas, komisioni për shqyrtimin e ankesave ka konstatuar se “Kosova Med Health Care” është kompani tregtare e licencuar nga AKPM për shitblerjen e pajisjeve medicionale dhe ofrim të kuadrove profesional medicinal në institucione shëndetësore të licencuar”.
Prandaj shkelja e konstatuar nga inspektori shëndetësorë për mungesë të licencës valide të punës së institucionit shëndetësore të lëshuar nga Ministria e Shëndetësisë, sipas Komisionit që ka shqyrtuar këtë ankesë, është i gabuar dhe e pa bazuar ngase kompania “Kosova Med Health Care” nuk është institucion shëndetësor dhe se nuk ofron shërbime shëndetësore në selinë e saj por se ka angazhuar staf profesional shëndetësor të licencuar për nevoja të QKMF në Drenas, e angazhimet e tilla parashihen me nenin 18 paragrafi 11 i Ligjit për Shëndetësi 04/L-125.
Mbi ketë bazë komisioni për shqyrtimin e ankesave konsideron se vendimi i inspektoratit shëndetësor është nxjerre mbi konstatimet e gabuara të gjendjes faktike dhe aplikimit të gabuar të së drejtës materiale. Andaj komisioni për shqyrtimin e ankesave vendos në favor të kompanisë “Kosova Med Health Care”, sh.p.k..
Vendimi tashme i është dërguar Ministrit të Shëndetësisë, Arben Vitia dhe Zëvendësuesit të detyrës së Kryeinspektorit Shëndetësor, Nora Kursani Demjaha, inspektorët e së cilës me apo dashje morën një vendim të gabuar.
Pas këtij vendimi ka reaguar edhe pronari i kompanisë “Kosova Med Health Care”, sh.p.k. Kastriot Asllani.
Ai përmes rrjetit social ka shkruar se pas periudhe të gjatë KosovaMed, ka dalur fitimtare kundër një vendimi të Inspektoriatit Shëndetësor, i cili pa bazë ligjore, u mundua që të ndalojë veprimtarinë e ligjshme.
“Ju njoftoj se, sot, e pranova Vendimin Komisionit të Ankesave, i cili e vërtetojë faktin që Inspektoriati Shëndetësor nuk ka pasur të drejtë që të ndalojë punën e KosovaMed dhe se tanimë gjithçka është e qartë për të gjithë. KosovaMed është Kompani e cila punon gjithmonë në kuadër të ligjit dhe rregullave të Republikës së Kosovës. Për fund, dua të ju njoftoj se KosovaMed është duke u zhvilluar çdo ditë e më shumë, për ofrimin e shërbimeve sa më cilësore për të gjithë klientët, në përputhje me standardet më të larta ndërkombëtare”, ka njoftuar pronari i kompanisë “Kosova Med Health Care”, sh.p.k. Kastriot Asllani. /Gazeta Infokus/
![](https://gazetainfokus.com/wp-content/uploads/2024/05/Screenshot_1-8.jpg)
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...