Shëndetësi

Koronavirusi, Australia: Nëse vaksina funksionon, falas për 25 milionë shtetas

Autori: Gazeta inFokus 09:52 | 19 August 2020

Kryeministri i Australisë Skot Morrison deklaroi se do të donte të bënte të detyrueshme vaksinën për COVID-19 për të gjithë qytetarët australianë.

Deklarata u bë pasi qeveria e tij firmosi një marrëveshje me kompaninë Anglo- Swedish Astra Zeneca për prodhimin e vaksinës së mundshme covid-19 e cila u zhvillua nga Universiteti i Oksfordit.

Studiuesit shpresojnë të kenë rezultate në në fazën e tretë deri në fund të vitit.

-Advertisement-

Scot Morrison e përshkoi si një prej vaksinave më premtuese dhe më të avancuara në botë. Morrison tha se do të donte ta bënte të detyrueshme, por do të bëhej përjashtim nëse ekzistojnë arsye individuale mjekësore që e ndalojnë.

Gjithashtu ai shtoi se nëse vaksina rezulton e sukseshme dhe lejohet prodhimi atëherë qeveria federale do e prodhojë vetë dhe do bëjë falas për të gjithë shtetasit australianë, por kjo nuk ka gjasa të ndodh të paktën deri vitin tjetër.

“Nëse kjo vaksinë rezulton efikase dhe ne e prodhojmë, do ta shpërndajmë dhe do ta japim falas për 25 milionë australianët” tha kryeministri

Nga ana e tij zëdhënësi i partisë laburiste në opozitë për shëndetin hodhi dyshime që Australia të kishte mundësitë prodhuese për ta bërë vetë vaksinën.

Subscribe në YouTube: GAZETA INFOKUSI
Etiketa:

Të tjera

Fokusi

shendetesi