Lajme

Koreja e Veriut: Po na provokojnë

Autori: Gazeta inFokus 15:11 | 20 Gusht 2017

Në kohën kur Shtetet e Bashkuara përgatiten të nisin stërvitjet e përbashkëta ushtarake me Korenë e Jugut, Peniani iu rikthehet kërcënimeve me paralajmërimin e një sulmi të pamërshirshëm që mund të shënjestrojë në çdo kohë Guamin, Hauain, apo edhe vet Amerikën kontinentale.

Manovrat ushtarake të Uashingtonit e Seulit konsiderohen nga vendi i izoluar komunist si një veprim i rrëmbyer, “që e çon situatën drejt një faze të pakontrollueshme të luftës bërthamore”.

Tensionet mes Shteteve të Bashkuara dhe Koresë së Veriut janë përshkallëzuar ndjeshëm javët e fundit, aq sa detyruan edhe Kinën të ndërhynte duke iu kërkuar palëve të frenohen.

-Advertisement-

Nuk ka shumë që Pheniani njoftoi finalizimin e planit për të lëshuar 4 raketa mbi territorin amerikan të Guamit, e përpara se ta bëjë atë realitet, Kim Jong-un do të pres e të shohë se cila do të jetë lëvizja e Shteteve të Bashkuara.

“Ushtria e Koresë së Veriut është në gjendje gatishmërie të lartë dhe do të hidhet në veprim me të pikasur edhe shenjën më të vogël të luftës parandaluese”, thuhet në deklaratën e përcjellë nga media shtetërore.

Se çfarë nënkupton shprehja “luftë parandaluese”, për këtë nuk u dha asnjë sqarim. Javën e kaluar, shefi i Shtabit të ushtrisë amerikane, gjenerali Joseph Dunford e bëri të qartë gjatë vizitës së tij në Pekin se stërvitja e përbashkët me Korenë e Jugut nuk është subjekt negociimi.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy