Konjufca: Veprimi ka qenë politik, pretendoj që nuk kam përdorur kurrfarë arme edhe nuk i kam bërë dëm askujt
Autori: Gazeta inFokus 13:51 | 08 July 2022
Në seancën e së premtes në Gjykatën Themelore në Prishtinë, kryetari i Kuvendit të Kosovës, Glauk Konjufca, i cili po akuzohet se në gusht të 2016-ës, në cilësinë e deputetit ka hedhur gaz lotsjellës në sallën e Kuvendit dhe ka penguar personat zyrtarë në kryerjen e detyrave zyrtare, tha se veprimi ka qenë politik dhe se pretendon që nuk ka përdorur kurrfarë arme, nuk i ka bërë dëm askujt dhe se s’kishte qëllim të tillë.
“Mbetem pranë asaj që kam thënë në shqyrtim fillestar, unë jam i pafajshëm, ky veprim ka qenë i natyrës politike. Pretendoj që nuk kam përdorur kurrfarë arme, deklaroj që jo vetëm nuk i kam bërë dëm askujt, po as s’kam pas qëllim të tillë”, tha Konjufca gjatë fjalës hyrëse.
I njëjti shtoi se lidhur me veprën penale “Pengimi i personit zyrtar gjatë kryerjes së detyrave zyrtare”, nuk ka qenë pengesë serioze, ngase mbledhja u mbajt 30 minuta pasi e kishte bërë atë veprim, raporton “Betimi për Drejtësi”.
“Ajo që më mvesheshet për pengim të personit, nuk ka qenë ndonjë pengesë fort serioze, meqenëse ajo mbledhje u mbajt 30 minuta pasi që e kam bërë atë veprim, kështu që ka qenë një shtyrje veç 30 minuta e mbledhjes se kryesisë së Kuvendit, prandaj nga gjithë këto që i thashë nuk më duket se është vepër penale serioze”, deklaroi Konjufca.
Në seancë mungoi Adem Grabovci dhe Ismet Beqiri. Gjykatësja e rastit Edita Çanta konstatoi se për dëshmitarin Grabovci gjykata nuk ka prova nëse i njëjti e ka pranuar ftesën.
Ndërsa, sa i përket dëshmitarit Beqiri, gjykatësja konstatoi se nga fletëkthesa e kthyer ka rezultuar se adresa nuk është e saktë, pasi që i njëjti ka ndërruar vendbanim.
Ndaj tij, gjykata do lëshojë urdhëresë për verifikim adrese për seancën e radhës.
Pasi që i akuzuari Konjufca nuk ka parashtruar kërkesë për hudhje të aktakuzës, gjykatësja Çanta kërkoi të vazhdohet me fjalët hyrëse të palëve .
Prokurorja Rukije Shashivari, në fjalën hyrëse deklaroi se i pandehuri Konjufva ka kryer veprat penale të cilat i vihen në barrë sipas aktakuzës.
“Gjatë këtij shqyrtimi gjyqësor do të vërtetohet kjo në bazë të dëgjimit të dëshmitarëve Adem Grabovci, Ismet Beqiri, Sabri Hamiti, Pal Lekaj, Valdete Bajrami dhe Slobodan Petroviq”, tha prokurorja.
Meqenëse nuk ishin prezent dëshmitarët, seanca e sotme u ndërpre, ndërsa e radhës u caktua më 22 korrik 2022.
Prokuroria Themelore në Prishtinë, më 3 shkurt 2017, ka ngritur aktakuzë kundër Glauk Konjufcës, të cilin e ngarkon me dy vepra penale.
Sipas aktakuzës, i pandehuri Konjufca po akuzohet se më 10 gusht 2016, gjatë mbajtjes së mbledhjes në sallën e Kuvendit të Republikës së Kosovës, ku merrnin pjesë kryetari i Kuvendit, Kadri Veseli, deputetët Adem Grabovci, Ismet Beqiri, Sabri Hamiti, Pal Lekaj, Valdete Bajrami dhe Sllobodan Petroviq, i njëjti në cilësinë e deputetit, në kundërshtim me ligjin ka përdorur armë, ashtu që gjatë kësaj mbledhje ka hedhur gazin lotsjellës në këtë sallë.
Aktakuza thotë se si pasojë e kësaj, qëndrimi i pjesëmarrësve është pamundësuar nga tymi që ka shkaktuar gazi lotsjellës dhe të njëjtit janë detyruar të braktisin sallën, me çka i pandehuri Konjufca ka rënë ndesh me nenin 9.1 të Rregullores nr.04/12 për armëmbajtje në Republikën e Kosovës, ku ndalohet përdorimi i armëve.
Me këtë, Konjufca po akuzohet se ka kryer veprën penale “Përdorimi i armës apo mjetit të rrezikshëm” nga neni 375, paragrafi 1 të Kodit Penal, vepër e cila dënohet me burgim prej një deri në tetë vjet.
Ndërsa, sipas dispozitivit të dytë të kësaj aktakuze, me datë, në kohë dhe vend të përshkruar si në dispozitivin e parë të kësaj akuze, i pandehuri Konjufca gjatë përdorimit të gazit lotsjellës ka penguar personat zyrtarë si kryetarin e Kuvendit, Kadri Veseli, deputetët Adem Grabovci, Ismet Beqiri, Sabri Hamiti, Pal Lekaj, Valdete Bajrami dhe Sllobodan Petroviq në kryerjen e detyrave zyrtare, ç’rast të gjithë personat zyrtarë janë detyruar ta ndërpresin mbledhjen dhe të largohen nga salla.
Për këtë, Konjufca po akuzohet se ka kryer veprën penale “Pengimi i personit zyrtar gjatë kryerjes së detyrave zyrtare” parashikuar nga neni 409, paragrafi 1 të Kodit Penal, vepër e cila dënohet me burgim prej tre muaj deri në tre vjet. /BetimipërDrejtësi
Të tjera
-
Sanduloviq ironizon keq me presidentin serb: A u bë Serbia automatikisht pjesë e NATO-s, sepse sipas Vuçiqit-Kosova është “zemra e Serbisë”
Politikani serb Nikola Sanduloviq, i cili vazhdimisht përndiqet nga shteti se...
-
729 kandidatë iu nënshtruan provimit të jurisprudencës me shkrim, pesëve iu anulua se nuk respektuan rregullat
Ministria e Drejtësisë ka njoftuar se procesi i testit me shkrim i jurisprude...
-
Raporti i GLPS-së: Plot 688 ditë është kohëzgjatja mesatare për zgjidhjen e rasteve të korrupsionit në gjykatat e Kosovës
Gati dy vjet është kohëzgjatja mesatare për zgjidhjen e rasteve të korrupsion...
-
Vetura bie në lumë në Rrugën e Arbrit, shpëton shoferja
Një automjet tip Golf 5 ka dalë nga rruga në segmentin e rrugës Arbrit tek Ur...
-
Gërvalla e McKay flasin për ngritjen e kapaciteteve ushtarake të Kosovës
Bashkëpunimi në fushën e mbrojtjes dhe sigurisë dhe forcimi i partneritetit m...
-
Vdés gardiani i burgut, dyshohet se ra nga qershia
Ka vdekur një gardian i Burgut të Dubravës. Klankosova.tv mëson se Hasib C...
-
Temperatura rekord në Indi, termometri arrin në 50 gradë Celsius
Temperatura rekord prej 49,9 gradë Celsius është regjistruar dje, të martën, ...
-
Pritet që raporti i Borrell-it të rekomandojë shfuqizimin e sanksioneve ndaj Kosovë
Përfaqësuesi i Lartë i Bashkimit Evropian për politikë të jashtme dhe siguri,...
-
Avancimi i statusit të Kosovës në AP të NATO-s, Quni: Çështje e ngritur që nga ish-presidenti Rugova
Avancimi i statusit të Kosovës në Asamblenë Parlamentare të NATO-s po shihet ...
-
ATK: Vetëm gjatë 2023-tës, këngëtarët kanë paguar mbi 2.7 milionë euro tatime
Kreu i Administratës Tatimore të Kosovës, Ilir Murtezaj, ka thënë se gjatë vi...
-
Drejtoresha amerikane e Peace Corps vjen në Kosovë, do të takohet me Vjosa Osmanin
Drejtoresha e Korpusit për Paqe e Shteteve të Bashkuara të Amerikës, Carol Sp...
-
Gërvalla e McKay diskutojnë për sigurinë dhe forcimin e partneritetit
Bashkëpunimi në fushën e mbrojtjes dhe sigurisë dhe forcimi i partneritetit m...