Sport

Komiteti Olimpik i Kosovës shpërblen medalistët e Lojërave Mesdhetare me 13 mijë e 500 euro

Autori: Gazeta inFokus 15:13 | 14 July 2022

Bordi Ekzekutiv i Komitetit Olimpik të Kosovës, sot kanë mbajtur mbledhjen e 15-të, në të cilët shqyrtua pika të ndryshme të rendit të ditës, shkruan Gazeta Infokus.

Në këtë mbledhje KOK, i cili është nën drejtimin e presidentit Ismet Krasniqi kanë shpërblyer medalistët të cilët ishin në Lojërat Mesdhetare në Oran 2022, me 13 mijë e 500 euro.

Kjo është bërë e ditur përmes një postimi në “Facebook”, nga Komuniteti Olimpik i Kosovës.

“Ndër pikat e shumta veçohet shpërblimi i ndarë për medalistët e Lojërave Mesdhetare Oran 2022”, thuhet në njoftimin e tyre.

Ndryshe në Lojërat Mesdhetare Kosova mori në shtëpi gjashtë medalje. Ndër to 5 ishin në xhudo dhe një në boks.

Distria Krasniqi, Loriana Kuka, dhe Laura Fazliu fituan medaljet e arta.

Kurse dy të bronzta u fituan nga Akil Gjakova dhe Flaka Loxha.

Ndërkaq, Shpejtim Bajoku në boks ka fituar Megjithëse humbi, Bajoku e ka fituar medaljen e bronztë, duke ia shtuar Kosovës edhe medaljen e gjashtë në Lojërat Mesdhetare./Gazeta Infokus/

Etiketa:

Të tjera

Fokusi

sport